السلالالالالالالام عليكم ..
و بعد السلالالام ... يحلــى الكلالالام ... انا من هنا و من على هذا المنبر ارحب بنفسي بينكم و اوصيكم و نفسي بتقوى الله <-- وش عنده امام المسجد
المهم يالربع مساكم الله بالخير و صبحكم الله بالخير (( على حسب الوقت اللي انت داخل فيه )) و الله بصرااحه انا مريت في حارتكم و بصرااحه شفت الزحمه و الناس المهستره و المنتدى اللي على كيف كيفك (( انبسطي يالاداره سويت لكم دعايه مجانيه هههههه )) المهم قلت خلني انطل ملفي عندهم و نشارك مع الناس المنتهيه و هوا احنا اخدين من الدنيا حااااقه يا ولالالالاد المهم نطلت ملفي عندكم و بمعنى اصح سجلت معكم با اسمي اللي تشوفونه و تراني آدمــي << و احد قال غير كذا هههههه عاد يوم سجلنا قلنا لا بد اننا نمحط لنا موضوع عندكم اذا ما فيه مانع <-- غصبن عليك انت وياه و الله صرااحه في البدايه ذليت منكم و قلت شكل عيال هالحاره قشرااان و ما يتقاشروون <-- يمديكم على الوصف هههههه
بس تالي قلت يا رجال لا تضريها بالهيبات (( جمله اسميه معناها تحدى الخوف )) فرحت و جمعت لي عيال من الحاره اللي جنبكم و عيال عم(ن) لي ساكنين قريب من هنا و جبتهم معي <-- هذا اللي قبل شوي ما يخاف هههههه و جمعتهم عشان ابن امه منكم يفتح فمه في موضوعي و لو حتى يرد عليه .. اشيل به فوووق سبعه انش و امحط به <-- يا شديد
خفتوا مني صح <-- يا شيخ انقلع بس .. المهم يا الربع الكلالالام اللي فوووق كله مجرد تمهــيد .. لانه كله لا يمــت بصـله لمووضوعنا اللي بنتكلم عنه <-- حلوه لا يمت بصله ودي الونــها هههههههههههه
عاد يا اخواني في المنتدى العزيز الموضوع اللي انا جايبه لكم هو مقاله لسالفه صارت علي منذ قديم الزمان (( للمعلوميه افلقوني اذا هو يعرف معنى مقاله ))
و الآن نخش في السالفه .. <-- تكفى و اللي يرحم والدينك خش و مش .. اووه قصدي خش في السالفه
هذي طول الله اذانيكم و اعماركم و خلاكم لعيونن تباكم في يوما من الايامي الخوالي كنتو ذاهبون لكي اتمشى على طريقو الامير عبدالله بالرياضي (( يا شباب من هالحين اعلمكم تراني صاقط في مواد العربي كلها )) المهم كنت اتمشى على طريق الامير عبدالله و مشغلن شريط أم عجررم آآه و نص و ثلاثة ارباع و داخلن جو ملعون والدين و انا امر من عند الكوفي شوبااات الواجد اللي على طريق الامير عبدالله و اوقف عند واحد منها و ادق بوري و يجيني التركي راع الكوفي شووب .. قال : مرحبا .. قلت مرحبتين وش عندك بالله .. قال : فيه موكا فيه قهوه تركي فرنسي كابتشينو توفي كافي الخ الخ .. قلت بس بس بس يا مال المرض فقعت اذني جبت المقاضي اللي عندكم و اللي عند جيرانكم كلها ... رح اخلص عطني كابتشينو و كثر الرغوه المهم نقز التركي بسرعه و جاب الكابتشينو و جاء بيروح و انا اناديه مره ثانيه .. قلت لو سمحت جب لي ملعقه بلاستيك .. قال : معلقه ؟؟ لـشو المعلقه ؟؟ قلت مالك دخل رح جبها و اخلص علي .. المهم جاب الملعقه و عطانيها و راح و هو وده يعرف وش اسوي بالملعقه ؟؟ عاد انا يالربع الصراحه الملعقه ابيها عشان اكل بها الرغوه لاني ما احب الكابتشينو بس اكل الرغوه اللي فوق و انطل الباقي خخخخخخخخخخخخ <-- لا تضحك ترا بفقع وجهك
المهم بعد الرغوه نطلت الكابتشينو وحطيت الملعقه على الطبلون عشان لا جيت مره ثانيه اخذ كابتشينو تكون موجوده و خشيت جو مع ام عجرررم و صفطت على اليمين في واحد من المواقف و سحبت المرتبه للاخير و قعدت افكر المهم و انا في عز تفكيري و تدويري و تخيلاتي السايكلوجيه ما دريت الا النور اللي سطع في وجهي من الطبلون و انا استعدل و اجلس زين و اقرب من جهة النوور الا و اشوف هاك الحرمه الصغيروووونه كبر الفراشه و لها جنحان و النور مغير يتطاير منها و انا اناظر يمين يسار .. اصدق اكذب .. يا ولد انا في حلم و الا علم .. و انا اخذ لي ورقه من الدرج و اقعد افرك بها عيوني و افركها .. و اروح اناظر على الطبلون مره ثانيه الا و اشوف البنت الفراشه لها الحين موجوده ؟؟ و انا اقرب منها و امد يدي على جنحانها ابي المسها .. الا و اسمع هاك الصرخه .. اقولك لا تمد يدك ثم اكسرها لك .. استح على وجهك انت ما عندك خوات و انا اخاف و انا ارجع يدي بسرعه .. و اقعد اناظر فيها .. قلت معليش يا الاخت بس مين انتي ؟؟ قالت انا سنـدس .. قلت و الله و نعم .. بس انتي وش انتي انسان و الا نبات ؟؟ قالت : نبات في عينك انا انسان زيي زيك ؟؟ قلت .. اقول لا تـبلفين مخي تراني عاقل ماني مجنون و اعرف ان الانسان ماهوب هالكبر و ماله جنحان .. قالت : ماشاء الله عندك معلومات انت ووجهك .. قلت : ايه افا عليتس بس .. قالت : اهاا بس عن التميلح .. قلت : خلاص يا بنت الاجواد انسان انسان ما قلنا شي .. بس ليش صغيرونه كذا .. قالت : انا جايه من بلاد العجائب .. و الناس فيها اشكال و الوان .. قلت : اييييه اثر الدعوه كذا ( اسوي اني فهمت عليها و الا انا مع جنبها ) .. المهم و انا امد يدي ثاني مره .. و هي تنقز على يدي و تقعد تمشي على يدي و هي تقول .. انت الظاهر ما تفهم العلم .. قلت يا بنت الاجواد التوبه .. التووبه و الله ما عاد اعودها انا وراي ورعان و اهل .. المهم و هي تمشي الين وصلت على كتفي و عند اذني و قالت : شكــرا لانك انقذتني ؟؟ قلت : هااااااااه ويش اللي انقذتك وش شكرا عليه انتي الظاهر منتي بصاحيه .. قالت : اسمع انا داريه انك منت مستوعب الموقف اللي انت فيه هالحين بس انا بشرح لك .. قلت : ايه تكفين و اللي يرحم والدينك علميني .. تراني احس الخلايا في راسي تبي تسوي انقلاب على المخ ههههه .. قالت ابشر و ما طلبت شي .. و هي تنزل على يدي و تمشي لين جت على الدركسون .. و قالت .. انا زي ما قلت لك اسمي ســندس و جايه من بلاد العجائب قلت انا : الملاهي قصدك .. قالت : ملاهي في عينك هذي بلاد تقع خلف القمر .. قلت انا : ايه صدقتك خلف القمر لا تقومين تصلخين علي قالت هي : شف اذا قاطعتني مره ثانيه ما راح اعلمك با السالفه .. قلت لا لا لا خلاص و اللي يرحم والدينك و الله ما عاد اهرج لين تخلصين .. قالت اوكي راح نشوف .. المهم و هي تكمل سالفتها و تقول : هذي البلاد تقع خلف القمر و فيها مخلوقات زي حالتي كذا صغيرين و اشكال و الوان و اللي له جنحان و اللي له مخالب و عد و اغلط من هالناس .. المهم الناس الصغيرين اللي في بلاد العجائب دايم ينزلون للارض عشان يتقضون من عندكم لانه ما عندهم اسواق و الرياض معروف ما فيه غير الاسواق و الباقي اشطب عليه <-- الله شفتوا حتى بلاد العجائب يتقضوون من عندنا المهم (( سندس اللي تهرج )) في هاك اليوم نزلت انا من بلاد العجائب عشان اتقهوى في كوفي شوووب و الكلام هذا قبل حوالي 10 سنوات عجائبيه يعني في الارض عندكم حوالي اربع ايام .. و هي تناظر في شوي و قالت و الله انك صامل من اليوم احتريك تقاطعني و ساكت
قلت : كملي بس و لا يكثر <-- في نفسي اقول هالكلام و الا كان علووم <-- اخس يالرخمه
المهم كملت سندس و قالت : و في هاك اليوم اللي نزلت فيه ابي اتقهوى مريت الكوفي شووب اللي انت قبل شوي متقهوي فيه .. و جيت و جسلت في وحده من الملاعق و ما دريت الا و اللي خطف الملعقه و حطها في كيس الملاعق و حط الكيس في الدرج و نشبت انا في هالدرج لمدة اربع ايام .. الين جيت انت و طلبت هالملعقه و خليتهم يفكون الدرج عني و طلعت انا و قلت لابد اشوف اللي طلب هالملعقه و اشكره لانه انقذ حياتي و جيت و لقيتك انت اللي طالب الملعقه و حبيت اشكرك ..
<-- ساكت لها الحين هههههههههههههههههه
قالت سندس : تقدر تهرج هالحين انتهت السالفه ههههههههههههه
قلت انا : هالحين كيف و ليش و مدري عشر سنوات كثري منها و اربع ايام و ملعقه و ليه الكوفي شوب ذا و و و و و و و و و و و ... <--- قال الكلام اللي كان كاتمه كله مره وحده خخخخخخخخخخ
قالت سندس : وجع وجع وجع وشفيك .. قلت : و اللي يرحم والدينك صدق السالفه اللي تقولينها و الا لا ؟؟ قالت : اعرفك انا امزح معك .. ايه صدق و عشان اثبت لك .. انا هالحين بحقق لك ثلاث امنيــات .. قلت : تكفين .. تكفين خليها ست .. قالت : اقولك ثلاث يعني ثلاث تبي و الا امشي .. قلت : لا خلاص خلاص تكفين نبيها .. قالت : تفضل اطلب .. قلت : ابي اثنين شكشوكه <-- يستهبل عليها .. قالت : ابشر ما طلت غالي و هي تطق با اصابعها الا و الشكشوكه جاهزه في صحن و محطوطه على الطبلون .. و قالت : و هذا طلبك الاول و تنفذ .. باقي لك طلبين .. قلت : لا يا بنت الحلال كنت امزح معك ما ابي شكشوكه و الله اني استهبل عليك .. طيب ما فيه تبديل هههههههه .. قالت : لا تبديل و لا ترجيع تبي و الا يفتح الله قلت : خلاص الامنيه الثانيه ابي سياره بورش باب واحد <-- اجل فيه بورش بابين يالخبل ههههههه قالت هي : و ماطلبت شي ابشر و شوي و الا البورش مصفطه في جنبي في المواقف .. و انا انقز من ددسني و اروح للبورش و اركب فيها و انا متشقق من الوناااسه .. و ما دريت الا سندس داخله علي .. و قالت : باقي لك طلب واحد يا ابو الشباااب .. قلت ايه بغيت انسى ابي ابي . ايه ابيك تجلسين عندي ما تروحين ياخي انا حبيتك يا سندس و الله انك زاحفه .. قالت هي : الله ينكبك يا النكبه قل امين .. قلت : ينكبني ليش ؟؟ .. قالت : انت هالحين طلبت طلبك الثالث و الاخير و الطلب لازم يتنفذ و هذا معناه اني ما عاد اقدر اروح . لازم اجلس عندك لانك تبيني .. حسبي الله عليك حسبي الله عليك انا داريه من يوم شفت هالوجه ان هاليوم ما راح يعدي على خير .. قلت انا : هدي اعصابك يا بنت الحلال الدنيا ما تسوى .. هذي و الله الساعه المباركه و هذا اللي انا ابيه اصلا .. ما ابيك تروحين .. ارواااح بس خلينا نتمشى على البورش ..
و هالحين هذا انا و سندس نتمشى على البورش .. و ترا سندس تسلم عليكم ..
و اتمنى انكم استفدتوا من القصه .. و عرفتوا معنى الامانه و عظم شأنها .. <-- اي امانه لا تسألوني هههههههههههههههههه ههههههههههههههههههه ههههههههههههههههههههه هههههههههههه
تصدقون عاد بيني و بينكم .. الامنيه الثالثه .. وش بغيت اطلب ... بغيت اطلب ان الموضوع ما يحذف .. بس تالي هونت .. هههههههههههههههههههههههههههه
مع خالص تحيــاتي
اخوكم
داشـــــر™
خدمــه شــــيء
تنــويه : قمت بكتابة هذا الموضوع في منتدى اخر با اسم آخر .. فلا يجيني احد يتفلسف و يقووول منقوول << احسن اضربهم انت ووجهك تنفخ بعد خخخخخخخخخخخخخخخخخخ