اعزائي اعضاء وزوار همس القوافي
اضع بين ايديكم هذه القصيده راجيا ان تحوز
على اعجابكم
[poet font="Simplified Arabic,5,white,bold,normal" bkcolor="transparent" bkimage="backgrounds/13.gif" border="none,4,gray" type=0 line=200% align=center use=ex length=0 char="" num="0,black" filter=" glow(color=firebrick,strength=3)"]
الالف/اولف للولايف طرايف = ابياتنا ماهي عليهم حسايف
بالصاحب اللي غربل(ن)بالكسايف = يلعب بعقلي لعبة الموج بالطاش
الباء/برى حالي ولاعدت قاوي = على العذاب من الضبي الشقاوي
دواي عنده بس ماهو مداوي = رويان وانا من الهواء صرت عطاش
التاء/تركت الدار باسباب خلي = الصاحب اللي عرش حبه متعلي
مايوازنه بالحب ولاحد(ن)يسلي = غيره ولو الناس تفرش لي فراش
الثاء/ثمر قلبي تمزع من الحب = لو اتعالج ياعرب ما هنا طب
طبي شفايفها ولا غيرها طب = حمارها خلقه على طول ماعاش
الجيم/جارت كل الاوقات ضدي = عد الشهر عندي سنه مايعدي
من اللي اجبر(ن)وايضا اتعبن بالتحدي = حد(ن)على اللاهب والقيض غشاش
الحاء/حبيبي شفت منه الغلايب = هو احرق(ن) لاشك ماني بتايب
يامى على قبري تحط النصايب = انساه غصب وحب من مات ماعاش
الخاء/خذيت اسنين وشهور وايام = كله عذاب(ن) مع غرابيل واوهام
الحال نشت بس بالجلد وعظام = جروح(ن) بقلبي مابيه لغيره تناش
الدال/دولاب الضما ير كساير = لو تجتمع كل العرب والعشاير
ما يعرفون دواي والكل حاير = تتعب محا يلهم والكل ينداش
الذال/ذرف العين بين على الخد = يا حل بي طاريه بس أتوجد
اصفق بكفي والعرب عنه اصد = من حكيهم تقول بالقلب نقاش
الراء/رماني صاحبي بالمهافي = ما حد درا عن حالتي ولاحد شافي
كبرت جروحي قلت يازين كافي = لا تذبح المجروح بسيوف الارماش
الزاء/زهر قلبي من الحب عطشان = طاحت غصونه وانطوا كل ما بان
عوده يبس وكسره مر الأزمان = ما يرويه من دافق ألمي طشاش
السين/سوق البيض عنده يطيحي = من شافها بالعين غصب(ن)يصيحي
تعبت أنا والكل غيري مريحي = حالي قضت وعظامي اليوم هشاش
الشين/شفت من الليالي سواده = عجزت لا الحق بقاية عداده
يا ليت من يلحق بخله مراده = واصبح معا مدقوق اللعاس بفراش
الصاد/صبري سنين وسنين وسنين = ما المسئله سهله ولاهي بعامين
عانيت من شانه وذقت الأمرين = ولاني بتايب خلها لعين قطاش
الضاد/ضاق الصدروالعج بونه = صوت(ن) كما صوت الربابه بحنه
يا ليت منهو ساكن(ن)بالمجنه = ما شاف غربال الهواء طول ما عاش
الطاء/طرى خلي علي تالي الليل = فزيت من نومي وجريت انا الويل
وهل(ن)دموعي فوق خدي هماليل = وصفقت بالكفين والهم بي جاش
الظاء/ظهر من شانه براسي الشيب = ريم(ن)صغير(ن)عذب(ن)بالتلاعيب
منه المرض جاني ولابغيره اطيب = دواي والله بسمته تنعش انعاش
العين/عيني ماتهنت بمرقاد = ليلي طويل ولاتهنيت بوساد
مركاي كوعي وونه الصدر تزداد = من جور خلي مودعه كنه قراش
الغين/غاب الحظ وارداني بهون = ماساعد(ن) ولامد لي بيده العون
حظي غدى للهم والضيم مرهون = قامت حضوض وحضي اليوم ماطاش
الفاء/فوارق صاحبي عن حلاياه = فيه الحيا والعقل محد(ن)تحداه
ماهي من اللي تعترض كل من جاه = ولا حفاء قدمها السوق ماجاه طراش
القاف/قالوا انتظر قلت بموت = ان ماحصل هالحين فالحال مسحوت
ابي اعايش حبها وارفع الصوت = غديه يرحم حالتي قبل الانعاش
الكاف/كهربني بنظرة عيونه = ساعة نظرته رقصني شجونه
به شامة(ن)بالخد يازين لونه = ربي عطاه الزين ولي صار رعاش
اللام/لو هم يجمعون المماليح = عندي ويعطوني جميع التصاريح
ويخيروني بغيرها حرم لاصيح = واقول قلبي منسجن مقدر انحاش
الميم/ملكته على كل ابو شي = يامر وينهى كل مادمت انا حي
لو يحرق(ن)بالنار ويحرمني الفي = اقول له امرك ولاني بغشاش
النون/نترك كل من كان عذال = اللي مناته بعد مملوح الاقبال
راع السوالف ينحرق باشهب اللال = اللي بكل اعراض الاجواد هراش
الهاء/هني منهو تمكن بخله = قعد معه طول العمر مايمله
بين الجفن والعين خلى محله = ما وازنه بالبيض من بيده انقاش
الوا/وراي الناس كله تركته = عمي وابوي واخوتي ما لفته
من شانها والعين بيدي فركته = ودموعها همال تقول رشاش
الياء/ياليت ان الحروف امهلتني = اكتب زياده بس ماساعدتني
لاوصافها من يوم الابيات جتني = اخلي اللي يسمعه غصب ينداش
[/poet]
وتقبلوا تحيات
اخوكم
سراب الراحل