[poet font="Simplified Arabic,5,black,bold,normal" bkcolor="transparent" bkimage="backgrounds/3.gif" border="none,4,gray" type=2 line=200% align=center use=ex length=0 char="" num="0,black" filter=" glow(color=white,strength=5)"]
ناح الحمام ونحت نوحه وونيت = يومه على الاغصان يجذب ونينه
ولي حمامه ذكرتني بما بليت = قصده طرب نغمات صوته حسينه
وانا من اقصى القلب بالحزن جريت = ونات قلبي مجاوبات(ن) ونينه
ابكي خفى وعن المخاليق صديت = واضحك واجامل للقريب بعينه
خايف تبين عندهم كل ماخفيت = من فوق همي يافهد مكثرينه
واكشف غلا من لجله الدمع هليت = ابو خدود(ن) ناعمات(ن) حسينه
ابو عيون(ن) في حلاها تبليت = سود(ن) وساع(ن) به سهوم(ن) دفينه
ترسل خفى تذبح وأنا ما تخفيت = قابلتها بإخلاص وأنا طعينه
واقفى وخلاني وأنا ما تشافيت = مدري قدر وإلا هجر مرتجينه
يا ويل عيني كل ما صبحت وأمسيت = تبكي عليها ودمعها ما يعينه
شوقي لها شوق الغصون المحاتيت = لرش المطر والصيف بأول كنينه
لا يا فهد كثرت ليال التناهيت = وقلبي تكسر والسبايب حنينه
[/poet]
وتقبلوا تحيات
اخوكم
سراب الراحل