(( لحن الوداع ))
كل المرآيات تعكس شكل صاحبها
إلا مراياتي حبيبي تعكس طعونك
*****
ما خففت همي قصايد صرت اكتبها
لا ولا حبيت يوم العمر من دونك
*****
مازلت حلم الروح ياكل مطلبها
البعد مايعقل الي عاش مجنونك
*****
النفس لا تظن كبر السن شيبها
ماشّيب النفس إلا قسوة طعونك
*****
طّلعت روحي بالجفاء يامعذبها
سهران جفني ولكن غافيه جفونك
*****
تركتني لهموم ها الدنيا ومتاعبها
صدّقت فيني كلام الي يحسدونك
*****
اترك العذال تحكي الي بيعجبها
إن خانتك روح هذا القلب مايخونك
*****
العين ماتعلى حبيبي فوق حاجبها
لا تصدق العذال فيني لا يغرّونك
اقدم لك هذه المشاركه المتواضعه واتمنى ان تحوز على بعض اعجابكم
تحياتي للجميع
(( وتر ))