[poet font="Simplified Arabic,5,burlywood,bold,normal" bkcolor="transparent" bkimage="backgrounds/17.gif" border="none,4,gray" type=2 line=200% align=center use=ex length=0 char="" num="0,black" filter=" glow(color=sienna,strength=5)"]
كريم يامزن(ن) نشاء يطرب البال = مع العصر من فوق سلمى وجبل طي
يا ماحلا سوقه بأمر خالق اللال = بأمره يمشيها على كل ابو حي
يا عل نسمع يقال كل وادي(ن) سال = وحيت رياضه والفياض امتلت مي
واشوف انا البدوان راحل ونزال = كل(ن) تباشر قالوا العشب له في
على مدى شوفك تناظر للأزوال = ناس(ن) تحط وناس للطرش تسقي
بين البنات اللي سروح(ن) سلا البال = بس الشراشف ناسي(ن) لبس العبي
ياصرت هاوي نارك تصير بظلال = عسى الحيا يضفي ديار الشقاوي
ديار الظبي اللي معه قلبي انشال = تخضر وتزهر بكل الالوان تزهي
تلبس جديد الثوب ارضه عن اسمال = تبهج نظير اللي نوا له وماشي
القى وزين الروح فيه الهواء مال = مع وسطها ياعود موز(ن) يومي
بين الخزامى والنفل نجلس اقبال = سوالف(ن) ومزوح والكل يوحي
ريم الشمال اللي له القلب ميال = اللي لها مرباع قلبي خلاوي
شقرا شعر بيضاء نحر نور وشعال = وبيض الحمام بصدره وبطن هافي
وساق(ن) كما الجمار والعنق هبال = وعمر(ن) صغير وحبها طبعه الكي
هذي حلايا صاحبي وماهي كمال = ماكمله وماقلت ماهي بعد شي
وتقبلوا تحيات اخوكم
سراب الراحل
[/poet]
[RAM] http://www.k999k.com/music/backgroun...nd_music_1.ram[/RAM]