مليت الشعر .. وكرهتني القصيدة
جف الحبر والقلم ضامي وريده
طاح القلم .. واختنق صوته
وجوع الورق .. ينهش صدى حروفه
تصرخ الكلمة يكفيني .. يكفيني
مره تكتبني .. وعشره تمحيني ...........
أودعـــــك ..
وأخفي عن عيونك دموعي ..
أخاف دمع عيني يجرح خدودك
أودعــــك ..
وأنسى روحي معـــك
حتى قلبي في كل خطوه يتبعك ...
أنتي العمر .. وبعدك أنا مالي عمر
أنتي الأمل .. وبعدك أنا وهم وضياع ..
أنتي الشعر .. وفغيبتك بحر الشعر ماله شراع ..
أنتي المنى.. وأنتي الهنا.. بليّا حدود..
أنتي حياتي ودنيتي .. بعدك أنا مالي وجود ...
حاولت أنا أبكي .. ودمع عيني عيّا يسيل
حاولت أصرخ لك واشكي .. والصوت في صمتي
مخنوق وقتيل
بعيده أنتي وابعد من عيونك حروفي..
مكانك بقلبي وحضنك رعشة كفوفي..
خوفي عليكِ يحتمي من خوفه.. بخوفي ....
كل ما هلت دمعة عيوني .. قلت يا ليتك تجيني
كل ما مر طيفك في خيالي .. صحت يكفيني تعالي
وينك يا عمر العمر .. وينك عذبني الصبر ..
أقتل وحدتي بالدمع وأحرق دمعتي بالشوق
يا ساكنه بعيني دمع ..
ومسافرة بليلي ضياع
نفسي أضمك لقا ..
أو حتى وداع ...
أحاول أتصور حالتك وأنتي بعيده ..
يا ترى أنتي سعيدة ..
يا ترى مشتاقة .. والا ما هزك حنين ...
جيتك أعاتب غيبتك
وقبل لا أنطق تعذرتي
تأسفتي بكلمه على الورق كتبتيها..
وفي يدي بخفه رميتيها..
وقعتي باسمك .. وقلتِ أحبك..
بدمع الحبر رسمتيها..
وشفتك.. وشفت الغضب.. على شفاتي تكسر
شفتك.. وشفت العتب.. من حروفي تنكر
شفتك حزن غيمة شتا.. على جرحي تنثر
أدري ظروفك تمنعك
وأدري بعد عذرك.. دايم معك
وباختصار هم كلمتين
خايفه أتأخر!!!
العرض العادي
