مساكم الله بالخير واخواني واخواتي المشرفين والاعضاء حبيت اوضح لكم الموضوع مع انه واضح مثل الشمس بس عشان ماحد يتهرب ويقول مافهمت الموضوع*8 (صايدكم مافيه ههههه) الموضوع انه كل واحد يحكي لنا موقف طريف ومضحك صارله وطبعا بما اني انا الي كتب الموضوع لابد اني انا الي استفتح باني اقولكم قصتي مع بنت بمجمع الراشد قبل سنة تقريبا بس الحين خلاص صرت مطوع*8 المهم هذي القصة بالتفصيل
كنت يومها مرسم اخر ترسيم شماغ جديد ومشخص الكوبرا وثوب توني مطلعه من الخياط والحلاق ماقصر تنظيف وجه ويحطلي كريمات وطين ومدري ايش(يقصون علينا الحلاقين وحنا مساكين مادرينا وش الطبخة) وريحة العطر تنشم عن بعد كيلو حتى من ريحة العطر قاموا يطردوني الشباب والبنات تخدروا مع الريحة يسالوني من وين شريته(يازين النصب زيناه)وانا ثقيل مااعطيهم وجه المهم وانا امشي في عالم مجمع الراشد عالم الترقيم والمطاردات الا وتطيح عيني على هذيك البنت ونفس الشي هي طاحت عليها عيني انا لحظتها ارسلتلها رسالة عن طريق العين كنت بذاك اليوم توني شاحن الرصيد من قدي*8 وهي طولة ماعطتني الرد على الرسالة انتظرت تقريبا دقيقتين وتجيني الرسالة اثر الارسال عندها ضعيف وعينها ماعليها ضمان(اشدعوة ماصارت عيون صارت جوالات *3 ) المهم وقبل ماتعطيني الضوء الاخضر انا بصراحة انشديت لجمالها وقطعت الاشارة واطردها من محل لمحل ومن سيب لسيب والبشرية عادهم ياليت خلونا براحتنا ملاقيف حتى لوشافوا واحد لاحق له بقرة لحقوها وانا جالس اتميلح قدامها انا وخويي شوي اناديها ولا ترد واناديها ولاترد لحظتها جنيت قلتلها وراك ماتردين وليه تعطيني كل هالاشارات قالت خل الشباب يروحون وابشر اباخذ رقمك ويوم وصلنا لمكان شبه امن وبعد ماهدا الوضع كان عندها كبتشينوا وتزهم علي ونجيها انا وخويي طبعا انا ابي ارقمها وخويي يبي يرقم خويتها(حقاني ماينسى خويه) تقولي تبي اخذ رقمك قلتلها وش رايك قالتلي طيب ومااحس الا تمسك الكبتشينوا بيدها وتوها تبي تكبه علي طبعا انا نبيه من لحظتها تفاديت الامر واسويلكم هذيك الشقلبة الهوائية الي نجتني من الكبتشينوا(لاعب جمباز ولا اقولكم باتمان) ويجي الكبتشينوا في ثوب خويي واطيح لكم ضحك انا والبنات على خويي ماتحملت ههههههههههههههههههههههههههههههه والبنت تبي تمشي وهي جالسة تضحك ماانتبهت وبالغلط تصدم بخويتها وتطيح ويزيد الضحك (والبشرية حولنا وانواع الضحك على خويي والبنت) بس من جد هالموقف ماانساه الا يومكم واتمنى ان يكون الموقف اعجبكم عاد جا دوركم الحين تقولون سي يو جميــــــــــــــــــــــعا*r
العرض العادي
