هذي القصيده اهداء للاخ المجروح الذي رد عليها علما بانه ليس المقصود فيها
لكن الله يعطيه العافيه ماقصر
سر ياقلم سطر من القاف واظبط
واكتب لاابو محمد عن الحال مضبوط
عن صاحب حبي بقلبه مربط
والظاهر انه بالهوى ماخذ(ن)نوط
ياابو محمد لو تشوفه تحنط
تحمد ربك كان مارحت مجلوط
اذا همني جيت كني ممغنط
متكهرب جسمي تقل ضارب شوط
اليا حكى كن الشفايا تنقط
صافي العسل ماهو مع الدبس مخلوط
كن البحر بعيونها ماانتهى بشط
لاسلهمت كني بالامواج مخبوط
ولا الجدايل عاده يوم تمشط
مثل الحرير بناعم السلك مخيوط
واليا ابتسم لي وابتسم اتلخبط
احس اني من البشر فيه مغبوط
وجدي على اللي لاتقطب على الخط
بنز جديد بااسود الخط ممغوط
اليا مشى تقول رجال مشتط
من زود طيبه لاامتلى البيت مبسوط
راعيه ساق اللقيمته مايقسط
ساق المهر بوسط مغاط مربوط
اسرى بها في ليلة ضوها غط
واصبح اللي وسم القلب بشخوط
واقابله ويفتح لي الباب واقلط
ويمد فنجال (ن) به الشوق مغطوط
واعاتبه وامازحه وارفع الضغط
واعلمه اني لي اعوام مضغوط
واعاهده ماحب غيره انا قط
ونوثق الميثاق ببنود وشروط
ومن بعدها ................؟
ويبرد بها قلب من الحب ملعوط
وودعه ودموع عينه تناقط
واشوفها ترسم على خده شخوط
محــــــمد اباالوكل