[poet font="Tahoma,4,darkblue,normal,normal" bkcolor="transparent" bkimage="backgrounds/5.gif" border="ridge,4,indigo" type=2 line=200% align=center use=ex length=0 char="" num="0,black" filter=""]
اقــلب اوراق الزمـن وابيح الاسـرار
...................والوم والوقت واهات الزمان اللي تبكينا
رجعت لـ شاطي الذكرى وقلبي بالغلا لك سار
...................مــشى مركب غرامي للورى يــدور المينا
وصلته شــط امانينا ودمعي وسط عيني حار
...................اناظـر يمكن القى لو بعض اثار رجلينا
وطيته مـن وطيته ما شعرت إلا وطيت النار
...................على ضوء القمر وجهك يعيد اجمل ليالينا
تذكرت / يوم انا وياك نلعب بالرمال اصغار
...................وتسرقنا ثواني الوقت لين الليل يمسينا
بغيت اعيد لعبتنا اثارينا غدينا كبار
...................تذكرت الطفوله حلمــها معـاد يكفينا
كبرنا وكبرت اوجاع الزمن واحلامنا تذكار
...................تحــدانا زمن قاسي وعيــا لا يجارينا
مشينا ما لقينا من يساعدنا على المشوار
...................صرخنا في متاهات الزمن ماتت اما نينا
بكينا ما لقينا غــير حــلم ٍ ضايعٍ منهار
...................سهرنا الليل هم ٍ ما شقى به غير عينينا
زمنا وش تبي منا ؟ زرعت الشوك والامرار
...................اخذت ايامنا الحلوه. تركت الهم يطوينا
يقولون الزمن قاسي . اقول ان الزمن غدار
...................حكم فينا يفرقنا بعد ماشبـــك ايدينا
بعد ما كان لي قلبه وطن والعين ظل ودار
...................نفاني عن وطن عمري وصرنا اثنين مقفينا
وصار البعد سيف ٍ عاري ٍ وســط الحشى بتار
...................قطع حبل الوريد ونزفه الجاري عثا فينا
انا ياصـاحبي معاد لي طير ٍ بقى ما طـار
...................ثرى عمري قفار ٍ بعد ما جــفت مســاقينا
احاول اكتم العبره و اكمل رحلة الاقدار
...................مشيت ولا وصلت الا عيونك و انت لي مينا
[/poet]منقووول + ملطوش