[poet font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=" shadow(color=white,direction=135)"]
ألا يامل قلبٍ عن لذيذ العافيه مرضان = دكاتر دارسين الطب عجزوا لا يداوونه
دكاتر لندن وباريس وأمريكا مع الالمان = عليهم صعب علاجه صعيبٍ ما يعرفونه
طبيب القلب خطط قلبي الملهوف والتعبان = خرج تخطيط قلبي بالسلامه كان يقرونه
بقا دور الإشاعه في فؤادي يالله الرحمن = يجي تقرير دكتوري بعدها خايب ظنونه
بعد شاف الإشاعه قال يا ستر الله المنان = لقيت الصوره اللي في فؤادك بان مكنونه
لقيت اللي ذبح قلبك بطعنات العيون ألوان = سحر هارون منه وفيه بس الزود بعيونه
لبس تاج الجمال ومستحيل يشابهه انسان = هذاك اللي سلب عقلك وقلبك زادت اطعونه
عليه من القمر وصف وعليه من البحر عنوان = جماله يوسفي شطر الجمال اللي يعدونه
حرام من الحرام إني ما لومك بعدها يا فلان = الومك بعد ما شفت القمر يكسف من فنونه
كشفت السر يا دكتور لكن وش بعدها الآن = ألا ياويل قلبي والله إني صرت مجنونه
دلع زين وغنج مع رقةٍ تسحرني بالاعيان = يمين الله لو يطلب عيوني جات مرهونه
مهاة الزين يفرق زينها عن باقي الغزلان = فريدٍ في البشر نوعه يا كثر اللي يحسدونه
كتبته نزف من قلبي ولاني كاتبه طربان = اجر الصوت من حزنٍ عميق وازعج الحونه
ألا يا اهل الهوى وش حيلة اللي في الهوى وجعان = ليا من صار دكتوره تعذب حين يطرونه
أجل وش هو يقول اللي يناظر زينها الفتان = طوى حالي برى حالي وزادت همي مزيونه
كتبت القاف بعده قاف حتى كونت ديوان = لاجل ذيك الفتاه اللي اعيش العمر ما اخونه
[/poet]
على امل ان تنال الاعجاب والقبول
تحياتي لك