مؤخرا آخر قائمه إرهابيه من وكالة الإستخبارات (ناسا)==)وش دخلها. المهم وتضمنت العديد ممكن يعيشون معنا في مجتماعتنا ولم نكن نعرف حقيقتهم الإرهابيه وقد صرح مسئول في وكالة المخابرات ان من يدلي على أي إرهابي متخفي سينال مكافأه مجزيه .... والقائمه كالتالي:
العبـايات المخّصــره
لأن كل البنات اللي يلبسون عبايات (مخصره ).. ويتلثمون .. ((متخفين)) ويسببون انواع المشاكل بين الشباب...فتكثر المواكب ... وتشتعل حمى (الترقيم).. ويصير الشاب ماشي (مسطل ) من هول ما شاف .. لدرجة أنه لولاء الحيا كان نط عالبنت وشالها على كتفه وصرخ على طريقة طرزان (آآآآه) .. وانحاش فيها بعيد عن الأنظار.
البعارين
لأن البعارين يقومون (بعمليات انتحاريه).. في الطرق البريه بين المدن ... تكون ماشي بحالك .. وتتفاجئ ببعيـــــر) منسدح في الشارع .. قال يعني يبي ياخذ (راحه) وبعدها حادث مروع... وهذا عمل (((انتحاري)) ا
شركة الأتصالات:
لأنهم أكثر مصدر (يسرق) رواتب الموظفين المساكين .. بطريقة (غسيل الأموال ونشرها) .. وهذا نوع من الأبتزاز الإرهابي المقنع ... والذي يرهب اي شخص اول ماتوصله فاتورته ... خصوصا ان كان من النوع (الحبيب) واللي ينام على الموبايل.
عيال القـــــــراوى:
وهذولا من اخطر الإرهابيين عموما ... لأنهم لابد ان (يؤذوك) في كل مكان وزمان ... ان رحت المسجد سرقوا نعالك .. وان رحت بعزيمة قراوي وجاء طفل يسلم عليك وقلت له وش اسمك ياشاطر قام تفل عليك .. وان رحت الملعب بعد المباراه بتلاقي قفاك كله فصفص ... وان كنت ماشي بسيارتك ومريت من جنبهم (رجموك) بكل براعه .. وان كنت في بيتك كل شوي كورتهم طايره عندك وازعجوك بالجرس ... وان وقفت سيارتك برا بيتك طلعت ولقيتها (محككه) ومكتوب عليها جمل غريبه (أبو ناصر ... موادع ... ولد فلانه ... رايق حبيبي يانظر عيني ).... وهذا إرهاب مستتر.
الطقــاقـات:
لأنهم يرهقون ميزانية الزواج ... وهذا إرهاب على العريس واهل العروسه ... والإحصائيات تقول ان (ام اسعود) تاخذ 20ألف وام مرزوق تاخذ 30 ألف ... اما ماري مو من ضمن الإرهابيات لأنها راحت عليها ... وللمعلوميه فالطقاقات صاروا ينافسون جينفر لوبيز وميسي وبرتني سبيرس في الدخل من حفلاتهم.
الكامــــري والجمــــــــوس:
لأن أصحاب الكامريات صارو يسببون رعب سكاني .. يفحطون وهم بسرعة 160 ... ويمشون في مواكب تصل الى عشرين كامري مع بعض ... وأصحاب الجموس يركبون لها أصوات رعد وبرق ... وتضليل .. ويكتبون ورى عبارات إرهابيه مثل (شادوا اوف ذا ديث) أو (كيلر).. أو (سائودي دراكولا) .. ويمشون في التحليه بطرق انتحاريه .. وهذا يعتبر إرهاب خطير يجب القضاء عليه بكل الإمكانيات .
مطاعم البخــــاري:
وهذولا من ضمن الارهابيين القدامى ... لأنك اذا رحت اكلت في مطعم بخاري فلا تستغرب ان لقيت (قطو ) قاعد جنبك ويناظر بتمعن في دجاجتك . . ولا تستغرب ان جاك في صحن الرز بقايا شعر باكستاني مزيت .. ولا تستغرب ان جابو لك طبق رز نصفه مأكول من زبون قبلك .. ولا تتعجب ان جلست في سفره وحده مع كل زباين المطعم .. ولا تستغرب أن أعطوك بعد الأكل رقم أي إسعاف لأنهم عارفين عواقب أكلهم .. وهذا إرهاب صحي
يهدف زعزعة البطون
وعذرا على الاطاله شاكرين لكم تعاونك
العرض العادي
