آخر مصيبه...... للبنات و الأولاد...لازم تشاركون

طفشان العبيط · 28-09-2002, 09:50 PM

مافيه أحد عايش حياته بدون مصائب او نكبات
الكل ماخذ نصيبه ..... وكل مصيبه تختلف من واحد للثاني حسب طبيعته وشغله و(جنونه)

فجلست مع نفسي وقلت: ليش يا فهيم ما تطرح هالموضوع في المنتدى!!!!! وتشوف العالم ومشاكلها...(يبي يهون على نفسه لان حياته كلها مصائب)...........وبأكون اول واحد يطلع الحره اللي في قلبه

بس الموضوع هذا يبي له ناس تشارك...... مو تقرا وتطلع(ترى عصبي وشديد)

انا اقولكم سالفتي مع الدوريات اللي هي:

وانا ماشي في حالي على خط سريع والوقت ليل...إلا وأشوف نقطة تفتيش على الخط الثاني(رادار).. والدوريات طايحين في العالم.. خذلك من المخالفات....وطاخ وطيخ والمخالفات شغاله....ولإني أحب الخير للناس( إيه هين)......قلت: وش رايك ياعبيط تكبس للسيارات اللي جايه وتقولهم فيه تفتيش(الى الحين وضعي سليم)...ولأني طفشان كالعاده....وافقت(تحس براحه وانت تقهر الدوريات)..... ومن هنا بدت المشاكل

جلست اكبس واكبس واكبس(نور السيارة زينون وحرررررريقه)....إلخ.. الى ان وصلت الدوريه اللي فيها الرادار واطلع على الكتف(خط الخدمه)
واعطيه هذيك الشطفه المحترررررررمه واحط رجلي(أصلا انا حاط رجلي من اول)....الدوريه الحاقد بلغ على السياره.....مو لأني شطفته......... ولا لأني علمت السيارات اللي جايه فيه تفتيش وخربت عليهم لعبتهم...
لا...(وصلنا للكلام الحلو)......

نسيت ما اقولكم في البدايه....لأن السياره كانت مغيمه(مظلله) كتم إلا اللي قدام (زيرو تو)<==يعني تغييمه خفيفه....وشايل اللوحات...(منحرج منكم).... مو بس كذا ومطفي الانوار.

المهم..كالعاده...ولأني عبيط ماطقيت خبر.. وماشي في خطي... ألا فجأه وانا ماأدري

عادي ما صار شيء.... إلا صاحبي في امن الطرق يكلم ويقول: وينك؟؟؟ وأرد واقول: على الهاي وي.........إلا ويقوم يسب ويسخط....ويقول وبكل احترام لي وادب..... يا ثور حط رجلك....فيه بلاغ عليك جامد ومطلوب القبض عليك قبل ما تطلع من الهايوي...لأن السياره مشتبه فيها...وان البلاغ عمم على الدوريات من نوع اللومينا...والبلاغ يقول.... فيه سياره مشتبه فيها غير معروفة المواصفات ويسير بسرعة جنونيه
(وعليكم الباقي)

طولت عليكم لكن القصه حلوه... ويوصف لي صاحبي خط مهجور يمر من ورى نقطة التفتيش الثانيه....... وربك ستر وانحشت... واخبي السياره تحت السرير(كنت خايف من جد)..اقصد في الكراج....والحين انا ناقع بدون سياره....الى ان يمسح صاحبي البلاغ.

وسلامتكم........

[mover]اللي بعده[/mover]

لازم الكل يشارك ولو جبر خاطر

بقايا جروح · 28-09-2002, 11:08 PM

وانت سالم وغانم ياطفشان

والله مصيبتك بسيطة ومن حصاد يديك

ذكرتني تصدق ان من كم شهر تعقدت من السيارة لاني كل اسبوع اسوي حادث

واستمرت معي 3 اسابيع بواقع حادث اسبوعيا الى ان طفرت من التصليحات واالليموزينات

اخر حادث تحلمت بالحادث قبل مايصير بغيت اروح لطبيب نفسي من القهر بس عاد الحمد الله الناس قوو ايماني وقالو اصبر والحمد لله على كل حال

تحياتي لازم تشارك بموضوع اختبر مقاس نظرك انتظرك

طفشان العبيط · 29-09-2002, 12:14 AM

الله يسلمك و(يغنمك) ويعطيك الف عافيه على المشاركه وكان ودي ارد عليك في وقتها، لكن كان عندي محاضره واضطريت اني امشي مليون كم في الدقيقه علشان الحق المحاضره ومشكور مره ثانيه....

بعدين الدعوى مو وحده بوحده.....فاهمني صح........لعيونك وما يصير خاطرك الا طيب....(هذا اذا عندك خاطر)

[mover]والحمد لله على السلامه[/mover]

بقايا جروح · 29-09-2002, 12:23 AM

عندي خاطر ؟؟؟؟؟؟؟؟؟؟؟؟؟؟؟؟؟؟ليش؟؟؟؟؟؟؟؟؟؟؟؟

الفـــــارس · 29-09-2002, 08:40 AM

طفشان بس سؤال ممكن

انت تعرفني والا لا
ترى من جد اسال السؤال هذا
لانه نفس اللي صارلك صارلي بالضبظ
يا ولد ياهوووو الحين شككتني في عمري
والا كانت مصادفه انه يصير لي نفي اللي صار لك
بس المصيبه نفس الاحداث نفس نوع السياره نفس كل شئ
اممممممممممممم

الله يستر منك

مع تحيات

الفارس

الجوهره · 30-09-2002, 08:39 PM

مره وانا في محاظره والدكتوره مندمجه فيها ويدق جوال خويتي وكانت حاطته على الوضع العام وجوالها رهيب وصوته عالي

عاد تلتفت الدكتوره بحقد لخويتي وتطردها من المحاضره ونجلس شوي الا ويدق جوال ثاني واشوف البنات يطالعون فيني

طلع الجوال اللي يدق جوالي وتناظر المحاضره فيني وانا قلبي وقف والدم احتبس تصدقون بغيت ابكي وهي تطالع فيني بعصبيه وشوي تضحك ليش.؟؟ لان النغمه اعجبتها كانت النغمه دبكه سوريه وبسبب النغمه طلعت سليمه

والله قلبي وقف ورحت البيت وادخل الغرفه واجلس ابكي من الخرعه
يمه عليها المحاضره شكلها غبي

العاقل · 01-10-2002, 12:19 AM

اسمله عليك يالجوهره
صدق البنات حساسات
انا مشكلتي يا طفشان يا طويل العمر مشكله
في يوم العيد ومن سنتين طلعت انا وشباب من اقاربي نتمشى في الخبر وفي الساعه2:30 وبعد ثاني اشاره في الخبر ويطلع لنا ذاك بي ام دبليو الصغير اللي خشته صغيره بالحيل وكان عاكس الخط اللي فيه ويطلع في خطنا ونصدمه من ورى والسواق حاط رجله وانحاش

اصلا هو منحاش من اول والدوريات وراه 3 دوريات ويمرون من عندنا ولا احد يوقف يطاردون الرجال وتولع سيارة اللي صدمنا واحنى سيارتنا وقفت على جنب المهم مسكو الرجال وطلعوا 2 وكانوا الله يعزك سكرانين طلع موضوعهم كبير وكان في اطلاق نار
وسكر لكن في الخير طلعو منها بالواسطه واحنى للحين نطارد ورى تصليح السياره

وكان عيدنا غير شكل

طفشان العبيط · 01-10-2002, 08:03 AM

ايها الفارس..

انت سألت وخلصت...بعدين وش شايف نفسك؟؟؟؟؟؟هاه...ولا كلمه...ايوه انت..ولا كلمه...( مسطر عشره قبل ما يدخل المنتدى)....لا يكون طفشان العبيط وانا مادري...لا..قول..هذا اللي ناقص...

اذا من جد لا ما اعرفك...وش دعوى والله لو انك برشومي..(وش دخل برشومي ما ادري)...

بعدين لا يكون انت راعي الدوريه وانا ماادري...شكلك والله....ولا كلمه..

الجوهره...

مشكوره على المشاركه...وتستاهلين انتي وخويتك....وفيه اختراع جديد في الرهيب اسمه الصامت...يالله عاد...عن البكبكه...يالله عاد

العاقل...

اهنيك على قبول المنتدى لك...ومشكور واجد...على... مشاركتك الاولى واللي كانت من نصيبي

وبعدين يا بلاوي في الخبر آخر الليل.......وش تقول وش تخلي....خلني ساكت.......

لكن للامانه اللي يبي يعرف مجهود الشرطه وتعبهم...يروح للمركز حقهم اللي على كرنيش الخبر ويشوف المصائب اللي تتحذف عليهم