يالله انا باقول موقف صارلي قريب قبل ما اسافر في السعوديه
المهم كنت في مجمع في الجبيل اسمه مجمع الفناتير كنت مع اصحابي
المهم طلعت من المجمع وابغى الحق شئ قلت لاصحابي انتظروني عند المدخل وانا باجيب السياره
المهم رايح للسياره هروله لاني احطها في مكان بعيد (ايش اسوي سيارتي دلوعه)
وانا ماشي الا وواحد مسرع ولقى موقف ووقف فيه نزل من السياره ولد وشكله خايف قفل السياره وخذلك ركض
انا على نياتي ما اهتميت قلت يالفارس كمل هروله للسياره
وصلت للسياره ويوم جيت باشغلها الا دوريه وراي
<<<< اخوكم ما خلى ولا دوريه الا تحرش فيها
قلت في نفسي انا ايش سويت الحين
نزل العسكري وهو جيزاني (في الاحلام يفكك) قالي الرخصه والاستماره قلت من عيوني (مسوي اخلاق لاني مستعجل)
شويه الا اشوف يده امتدت واخذ جوالي ومفتاح السياره
انا قلت ايش في هذا
المهم قالي بسرعه ابي مفتاح السياره الثانيه
انا ضحكت وقلت اي سياره ثانيه انت شايف سيارتي كبر راسك
قال لا مفتاح هذي السياره واشرلي على السياره اللي نزل منها الولد وهو يركض
على طول عرفت انه هذاك الولد سوى مصيبه وانا اللي باروح فيها
قلتله هذي السياره مو لي
قال: اقطع يدي انها لك وانا شايفك نازل منها
انا من اول ما سمعت اقطع يدي قلت والله رحنا فيها
ناديت اصحابي وجو وقالوا للعسكري هذا معنى واحنا كنا في المجمع بس العسكري راسه يابس
قال لا هذا هو وانا متاكد
قلتله اوكيه خذ المفتاح وعطني جوالي
قال لا مافي يانك تعترف يا ما افكك
قلته وانا مولع انا ما سويت شئ واللي في راسك سوه
قال: ايش يالله اركب الدوريه
قلت: ه ه هههههههه ما بقى الا اركب دوريه
قال: يالله اركب
قلت: اقول روح عني والله ما اركبها لو تسوي اللي تسويه
المهم العسكري ولع واتصل على عسكري ثاني
العسكري الثاني رئيس هذا الجيزاني وجاني طاير باللومينا
المهم نزل وقال ايش صار هذاك العسكري قال كل شئ
راعي اللومينا قالي: يالله اركب وبتفاهم هناك
قلت اسمع: انا ماني راكب والبوم اجازه يعني جيب حقين البصمات واسال عن السياره اذا طلعت لي فانا على امرك
راعي اللومينا شاف اني واثق من كلامي فقال: يالله روح
الجيزاني نط من ورى وقال: اقطع يدي انه هو (انا ما ادري ليه معلق على القطع)
طبعا يوم شفت انه الوضع لصالحي ابتسمت له هذيك الابتسامه الخبيثه ورحت له وقلت ما تعرفنا على الطيب
زعل الجيزاني واخذ سيارته و وي وي وي وييييييييييي وازرق واصفر
المهم اكتشف بعد كذا انه الشرطه اللي عندنا ما عندك احد
بس والله لو اخذوني الشرطه كنت رحت فيها
بس عشان اثبتلكم انه حظي غبي
تواحدت في المكان والزمان الخطا
مع تحيات
الفارس
العرض الشجري
