اختي وجدان الدوحة ... ودي ادلي بدلوي في هالموضوع ...
اولا ... انا عمري ما شفت ولا قابلت واحد من البدون هذولي ... يعني بكل صراحة ما راح احس بمعناتهم ابداً مهما تكلمت ومهما قلت .
ثانيا ... الدول الخليجية حسب علمي الكثير والكثير فيها من اصحاب البدون .. واللي يزيدون ويتكاثرون يوم بعد يوم .. وتكبر مشكلتهم ومشكلة الحكومات الخليجية معاهم بدون ما يحسون ..
الدول الخليجية في رأيي مثلها مثل باقي الدول العربية ... اللي ما تفكر في المشكلة الا لما تتفاقم بشكل ملفت للأنظار وتبدا تظهر المشاكل على مختلف الاصعدة الاجتماعية والاقتصادية والسياسية !!!
اختي موضوعك ما طرحتيه عشان نقول ترا فيه مشكلة بوجود البدون ... لكن طرحتيه علشان نجيب الحل لهم .. ولمشكلتهم اللي اهي الان واقع مر ...
الناس اللي يسمون بدون في الدول الخليجية ... في رأيي ... لو استمرت المعاملة معاهم من قبل الحكومات والشعوب الخليجية بالطريقة هاذي ... رايحيين يكونون عالة على هالبلاد ... ويمكن يتحولون إلى حاقدين على البلدان اللي عايشيين فيها فقط بالاسم بس بدون هوية !!! ويمكن يوصل الحقد هذا ويتطور الى اشياء كبيرة جداً يندم عليها بعدين وتكون نتائجها وخيمة !!!
الحل في نظري ... مدامهم عايشين اباً عن جد في الدول الخليجية وولدوا فيها وتربوا فيها ... لماذا حكوماتنا ما تعطف عليهم وتحاول تبذر فيهم حب الوطن والجنسية اللي ينتمون لها او على الاقل اجيالهم القادمة ويمنحون الجنسية ويخلونهم يتمتعون بمزايا المواطن العادي ... حالهم حال باقي المجتمع ... اذا كانوا اصلا عايشين وماكلين وشاربين في الدولة نفسها مثلهم مثل باقي الخليجيين سواء معاهم جنسية ولا ما معاهم ... ونظمنهم في باقي الامور الاخرى ... ولا نولد اجيال حاقدة علينا وعايشة معانا في نفس مجتمعنا ...
وللأمانة ... انا اشوف ناس كثير من الجنسيات الثانية اللي مهي سعودية ... عايشة معانا في السعودية من اكثر من خمسين سنة !!! ويكنون لسعودية محبة واخلاص زيهم زي اي سعودي !!
ارجوا اني ما طولت عليكم ... وهذا كان مجرد رأي بس !!!
العرض الشجري
