بسم الله الرحمن الرحيم
أنا شاب كويتي أبلغ من العمر 22 قبلي بدأت حياتي من طفولتي بين احضان والداي وكنت ابنهما الوحيد ونشأت بين اسره مترابطه كل واحد منهم يحب الخير للثاني وبدأت حياتي الدراسيه متفوق حتي أنهيت المرحله الثانويه وكنت الاول على المدرسه بتفوق وبعد ما انهيت الثانويه قدر لي الله وبفضل والدي دخلت كلية ضباط الشرطه وقضيت الاربع سنوات بالكليه كانت اسوأ ايام حياتي حيث اني ذقت الويل في هذه الاربع سنوات وبفضل طموحي وحرص والدتي ورعايتها لي استطعت ان اتخرج منها برتبه ملازم وفرح اهلي ووالدتي بي حيث اقمنا العشيات والحفلات بمناسبة التخرج .... وبعد ماتخرجت فاتحتني امي بالزواج حيث انها كانت متعلقه بابنت خالتي كثيرا ودائما تذكرها لي بأنها أخلاق وجمال وهي من عائلتنا حيث ان امها خالتي وابوها ابن عم ابي .... وبعد ذلك تمت الخطبه .... وهنا بدأت المأساه .... حيث كان احد زملائي بالعمل لديه صديقه في نفس الجامعه التي تدرس بها خطيبتي . فطلبت منه ان اتكلم مع صديقته شوي واخذت منه الموبايل لاتكلم معها ويا ليتني ماتكلمت معها . فسألتها عن البنت الي خطبتها ردت علي كالآتي...... ( هذي البنت رايحه فيها وكل يوم تطلع مع واحد للشقق ومع الشباب تقول حق اهلها انها رايحه الجامعه وهي بالشقق مع الشباب ) اول ماسمعت هل كلام سكرت الخط وتيبست عظامي وجن جنوني . وجلست افكر شلون اطلع من هل بلوه الي ابتليت فيها اذاقلت لأمي اني ما ابي الزواج بتتعب امي وبزيد عليها المرض لأنها كانت مريضه بالضغط والسكري وانا احب امي واخاف عليها لأني وحيدها وابي افرحها بدل مااني احزنها خصوصا ان الناس كلها درت بالخطبه وكل يوم يباركون لامي الحريم .. وفكرت ولقيت حل واحد مافيه الا خالي الي هو خال البنت اكلمه اقوله انا ماابي الزواج لاني توني متخرج من الكليه وبرتاح شوي وانا اهلي اخطبوا لي البنت دون ماادري وخالي راعا ظروفي لأنه كان شبابي وبنفس الوقت صديقي لأنه من سني ... راح خالي وكلم اخته الي هي ام البنت فهمها اني ما ابي الزواج واني ابيها تكلم امي وتقولها ان بنتها ماتبي الزواج وتبي تكمل دراستها ... انجنت خالتي الي هي ام البنت وقالت( ليش اشفيها بنتي مايبيها ليش خطبها من الاساس دامه مايبيها ليش بنتي فيها شي شيقولون عنا الناس بعد مايدرون ان الولد هون اكيد راح يقولون البنت فيها شي ) وأخذت التلفون وكلمت ابوي وقالت له ( ليش ولدكم مايبي الزواج انتوا غاصبينه علينا شنو هو الزواج لعبه عندكم وسكرت الخط) انا ابوي من النوع العصبي وراح كلم امي ويتشاجر معاها شلون تخطبين للولد وهو مو راضي قالت امي لا مو صحيح الولد موافق وانا ماخذه رايه قالها ابوي كلمي اختك واساليها . وسألت امي أختها وقالت اختها نعم الولد مو موافق ليش تلعبون باعراض الناس هذا زواج مو لعبه بعد ما درو الناس كلها ( وهي مسكينه ماتدري ان بنتها كل يوم مع شاب جديد) المهم امي اغمى عليها بعد ماتشاجرت مع اختها واخذت امي للمستشفى وبعد ماتنومت بالمستشفى وانا كنت على اعصابي قالي الدكتور (امك ارتفع عندها الضغط بشكل حاد وبالتالي اصابها شلل جزئي اي انه نصف جسمها اليسار انشل تماما ) بعد ما قالي الدكتور هل كلام حسيت انه ضاقت فيني الدنيا هذي امي امي الي ربتي امي الي ارضعتني حلو اللبن اللي تعبت لين صنعت مني ضابط ورقصت وبكت من الفرحه بتخريجي لأ لأ ماني مصدق لأ........انا الي كنت خايف منه صار انا ماكنت ابي اكلمها بوجهها واعصي اوامرها كنت ابي الرد يجي من اهل البنت رجعت علي عكسيه واصبحت صغير بعيون الناس وانا اللي كنت السبب في اللي صار في امي تعبت وانهرت نفسيا وتحطمت حياتي وتفككت اسرتنا وكل هذا من سبب بنت انا كنت ادري انها تطلع مع شباب للشقق والله العالم شنو كانو يفعلون فيها ... انا وصلت لمرحلة اني باخذ السلاح واقتلها..... وهذي قصتي ومنكم الجواب الشافي .. شكرا..
العرض الشجري
