فرقاك عيد

[نايف الشريف]

اربعة هزّت ضمير اللي يصد ولا يقول
اربعة عَد الحروف الميتات اوراقها

ياما صبرت ومعتلي حتى ولو صبري يطول
الليل لابدّه يزول إبشمس بان إشراقها

وإحنا نحب الطيب لامِن الزهَر ملا الحقول
نشرب عسل من شَهد صافي ممتلي بأرياقها

وإحنا على ماقيل سطوة لو نجول ولو نصول
نحرق صدور الغل والله عزّنا بإحراقها

[نايف الشريف]

اللهم صلي وسلم على نبينا محمد صلى الله عليه وسلم

[نايف الشريف]

السلام عليكم ورحمة الله وبركاته

كنت ابحث في اوراقي القديمة
وجدت أنني كتبت ابيات على عجل في عام 2012 حين كنت في الصين

كنت حينها قد مللت البقاء فيها وإشتقت للمملكة اعزها الله وجميع بلاد المسلمين

حينها كتبت هذا الأبيات إن صح تسميتها ابيات شعرية


سلام يادار المحبة نرسله عبر الاثير
من بلاد الصين واحنا ننتخي بجبالها

ليت طيار السعودي بالعجل فينا يطبر
لين اقرّب للنفود ولين اشوف جمالها

ولين اذوق التمر طعمه مختلط فيه المضير
ولين اشم الهيل فايح ريحته بدلالها

ولين اشوف رياض الأحسا مع قمم هامة عسير
ثم احس من البراد اللي يجي فظلالها

[نايف الشريف]

إسمك أجمل من حروفه
وأجمل أجمل في وصوفه

كيف جمّعتي المعاني
في زهر حتى نشوفه

[نايف الشريف]

عذبوني سبت إحساسي وشوقي
سبت ابيات القصيدة في هواك

ماقدرت اصبر وانا اوصفلك حروقي
ناااااار فيني لانظر عيني لقاك

كم سكتت وقلت انا يالنفس روقي
لاحكيتي زود في هم وعناك

مير صبرك والزمن بيفك طوقي
وإن تحررتي فطيري في سماك

[نايف الشريف]

ارفقي بالحال روفي
وانتي ادرى في ضروفي

ماتشوفين التجافي
كيف هد الحال شوفي

[نايف الشريف]

السنه اربع فصول
وانتي مثل العام كله

كل يوم فحال ثاني
يادهر مقوى امله