فرقاك عيد

[نايف الشريف]

شمس القوايل


شمس القوايل ثبتت حالي وزاد الحال حال
قمت آتوجّع والصدر كنّه على صخر إمحشور

اصبر وأشد الحيل وأثر الحيل لاشديت مال
إش حالة اللي قد شراله حظ والحظ إمعثور

ياشمس انا لي يوم مامريت في دربي ظلال
ما شفت للضامي شراب ولا تقرّب له بحور

ماهمّني ملح الشراب ولا طلبت اروى زلال
أرجي من الدنيا فَرَحْ وارجي من الدنيا سرور

[نايف الشريف]

حالة هستره


كلمني اللي دق قال إن فيك (حالة هستره)
منته على طبعك وحالك مختلف وش صار فيك

قلت العفو -- ودّك تقول إنّي كثير الثرثره ؟
ودّك تجرّب حالي اللي فيّ ومافيني يجيك

ودّك تِعَرف إن الهوى والشوق كلّه جرجره
وجروح ما تبرى وهم وموت للعاشق وشيك

[نايف الشريف]

النسيان

احيان قل الذاكرة نعمه ولا ندريبها
ونعيبها ونقول عيبك كثرة النسيان

الذاكرة لامن نست من طيبها
والّا تصاب عقولنا بجنان

[نايف الشريف]

اخر رسالة

اخر رساله على صفحات متحيّر
اكتب عشان الغلا (بالود) يقراها

قلته وانا عارف(ن) بالحال متغيّر
والعين تسهر ليالي النوم ماجاها

ياخالقي اشكي عليك الحال واخيّر
النفس ضاقت عنا والخل عنّاها

والبال لامن ذكر يصيد ويطيّر
بعض الطواري غثنا لاشك بنساها

والعمر لوهو يطول إنشوفه قصيّر
كل(ن) يمر الحياه ثم راح وخلاها

بصبر واعيش الفرح وآروح وآسيّر
وأسلى بناس(ن) تود الناس وابغاها

[نايف الشريف]

خاب طنّك


خاب طنّك والرجا ماعاد فيه محايله
ماتنفعك كل الرجاوي والزمن ماهو يعود

ياكيف نرجع والعنا كل(ن) في قلبه شايله
اسلم طريقه للوصال بطيب هي زود الصدود