مواليد لم تكتمل خلقتها ..!!!

[شاعر مختلف]

ما للحزن دمعه ولا للفرح موق ..

.. أكحل عيونك بالسهر وأكتحل بك ..

خلك معي وأقاسمك لقمة الشوق ..

.. و آوكلك عذق الغلا وأنوكل بك ..

تعال ذوقني غرامك وأنا .. آذوق ..

.. وأشطب .. على آخر عذولٍ.. عذل بك ..

نرقا سما .. سما سما نرتفع فوق ..

.. أرفعك عن قاع الجفا واحتفل بك ..

يا آخي انا مثلك بشر دم وعروق ..

.. الليا ثقل دم .. الجفا أتصل بك ..

أزعل عليك .. وأنفعل منك وآروق ..

.. وأروق من عقب .. الرضى وأنفعل بك ..

يا أغلا .. غلا جريت لك أمس طاروق ..

.. فاضي ومن كثر الشغل .. منشغل بك ..

بيني وبينك حق لا عدّة .. حقوق ..

.. وأول حقوقي .. حق قل بي وقل بك ..

لا تبتعد والناس .. مقبل ومفهوق ..

.. واللي نفل .. باللي نفل ما نفل بك ..

ثوب الأمل .. من خنجر الياس مفتوق ..

.. ( آخر أمل ليّه بقالي .. أمل بك ) ..