&& فرحة العيد && جديد

[مسعد المدلج]

[poet font="Simplified Arabic,3,burlywood,bold,normal" bkcolor="transparent" bkimage="backgrounds/3.gif" border="solid,6,burlywood" type=2 line=200% align=center use=ex length=0 char="" num="0,black" filter=""]
انتهى ليل حزني وابتدى يومه = والمشاعر تردد كل موالي
فرحة العيد عنها النفس محرومه=يكفي اشوفها بعيون الاطفالي
فرحتي ودعت والصدر بهمومه=واكثر الناس مافاله على فالي
اتأمل واشوف ارزاق مقسومه = وأدري أن الزمن ماحقق آمالي
بس لاشفتلي براق ديمومه=مقبلة مقبلة والبرق شعالي
السماء من سحابه غابت نجومه=وأشهد أن القمر والليل يحلالي
نفحته ورد مدري ريح يشمومه= عانقتني قبل تسأل عن احوالي
ويوم هل المطر واسقتني غيومه= يرخص الشعر كله في طلب غالي
مرحبا والقوافي فيك منضومه=من تقهويت عشقك وسط فنجالي
خلي الطرف يسهي عن حلو نومه =واقري أعذب قصيدي واجمل امثالي
وانثريني شتاتً ضاقت هدومه= واجمعيني عن احزاني وغربالي
عاشقك والهوى ذكراه محمومه=ويمكن ليا صفالك يوم يصفالي
عاذلي عنك والله مسمع اعلومه=الحسد عارفه بقلوب الانذالي
لاكن الحر عنهم يبعد الحومه=وماكره طول عمره منزلً عالي
والهوا اللي يهين الرجل وايلومه= يشهد الله مايطري على بالي
وانتي اصلاً مقامك فوق محشومه=وقدرك اكبر من اهل القيل والقالي
[/poet]

صح لسانك ياشاعر

من جمال القصيده

ماليقت بيت متميز لحاله

لقيت الابيات كلها متميزه

صح لسانك صح لسانك

تقبل تحياتي