صابني حبكم ارحمـوا يانـاس
ذيـك الايـام مانـي بناسيـهـا
ذقت مر العزاير بغيـر قيـاس
دمعت العين لـولاك مصفيهـا
بس انا احب والحب مابه بـاس
سكة(ن) كل الاجيـال تمشيهـا
اكتم السر واخشى من البـلاس
وام وجهـيـن والله مدانيـهـا
رغبتي في غنوج(ن)تكد الراس
ليتها تطلـب البيـع واشريهـا
حيث فيها من الفن خمس اجناس
درة(ن)مـن طمـع مايخليـهـا
درة(ن)لبسوها الحريـر لبـاس
ليـت عينـي دوامـا تراعيهـا
حملوها الجواهر وعقد المـاس
ساطـع برقبتـهـا وياديـهـا
من هواها طيور الهوى بـلاس
بالشـوارع قلـيـل تخطيـهـا
دونها الباب والقفـل والحـراس
حذروهـا وانـا ميـت فيـهـا
كل ما قلت ابا اسلم من الهوجاس
مـال ميـزان قلبـي بطاريهـا
خدهـا ورد وعيونهـا نعـاس
باحسن اوصاف ربـي مسويهـا
العرض المتطور
