نلتقي مرة ثانية و نجتمع
عقب كل هالسنين و الفراق الطويل
بالله عليك متى اخر مرة شفنا فيها بعض
من سنة ؟ او سنتين ؟؟؟
ذكرني لان فعلا انا نسيت
بس اللي ما نسيته
تفاصيل اخر لقانا
هذه التفاصيل معششه في ذاكرتي
اذكرها بالضبط من السلام الى الوداع..
اذكر الصمت الرهيب...
ورجفة ايدك و سرحانك الطويل...
وانا اسولف و اتكلم عن المستقبل
كنت اعد الدقايق و قبلها الثواني
كنت اخطط و اتحرى
و فجاءة قمت من مكانك و عطيتني ورقة و مشيت
وانا متفاجاءة و اقول شفيه اليوم مو على بعضه
فتحت الورقة و قريتها
" فراقنا خيرة"
اذكر بالضبط هذه كلماتك
مصدومة محطمة وبكاء عميق في قلبي
ودموع تتساقط على خدي
بعدها آثرت كرامتي على قلبي
و قلت من تركني بليا سبب و رحل
ما له مكانه من حياتي لو مهما حصل
و اليوم نلتقي صدفة
و تسالني شآخر اخباري
سكت و طلعت قصاصة صغيرة
و كتبت فيها بعض الكلمات
واهديتها له و مشيت
من غير ما انطق باي حرف
واعتقد ان قراء القصاصة و عرف اخر اخباري!!
تبون تعرفون ايش كتبت له ؟؟ " حياتي عقبك صارت جنة "
مللت من اقنعتهم
اقنعتهم التي كانوا يلبسونها
من اجل مصلحتهم
ثم ماذا ؟؟؟؟
رحلوا و هجروا و ترك وارءهم عندي اقنعتهم المزيفة
تلك الاقنعة المبتسمة
الاقنعة المفرحة
والتي تعكس بالبراءة
و لكنهم هم اشد من الخبث نفسه
تبا تبا لهم ....
على فكرة الاقنعة مازلت موجودة
مازلت احتفظ بها
ربما تحتاجونها ليوم من الايام
للبسها و خدع الاخرين.............
برضوه ,, مثل اللي قبلها لامسة الاحساس بقـــــــوه
~~
العرض المتطور
