على الهون ياجرح المفارق وضيق البال
ـــــــــــــــــــ على الهـون ياهـم سطابـي وقدرتـه
اعزك لو انك جـرح ومجاهـدك قتـال
ـــــــــــــــــــ وروضت جسمي لاجل سقمك وصبرتـه
لاجل من ملك قلبي من الجال لين الجال
ـــــــــــــــــــ وفجيت له بابٍ عـن النـاس سكرتـه
وحطيت له عن شمس قيظ الغرام اظلال
ـــــــــــــــــــ وشيـدت لـه بيـت بقلبـي وعمرتـه
حفظته ودللتـه وغنية لـه مـوال
ـــــــــــــــــــ وتخيـرت قربـه ليتنـي ماتخيـرتـه
رعى ريف قلبي لين صارالحشا مدهـال
ـــــــــــــــــــ وعن مدهلـه جنبـت غيـره وذيرتـه
اداري عليه من الزعل وازعـل العـذال
ـــــــــــــــــــ وخطاه ان كبر في عين غيري تصاغرته
سقيته من عـدود الغـلا والغـرام زلال
ـــــــــــــــــــ بعد ماجـذب مـن دم قلبـي وصدرتـه
قبل مايغطـي ليلـه المنتثـر بالشـال
ـــــــــــــــــــ سرقت الكرى من نون عينـه وسهرتـه
نقش كل حرفٍ من حروفي على السلسال
ـــــــــــــــــــ تباهى بهـا واغـاظ نـاسٍ مجاكرتـه
وبعد كل هالتقديـر والحـب والاجـلال
ـــــــــــــــــــ تغيـر وهقـواتـه علـيـه مغيـرتـه
تكاثر علي الله يجازيـه كيـف الحـال
ـــــــــــــــــــ وانا يوم اسوق العمـر لـه ماتكاثرتـه
لبسته ثياب الغطرسه لين جـا يختـال
ـــــــــــــــــــ وكبر في عيونه يوم الاوهـام غررتـه
واذا السالفة ضحك ومهازل ولعب اطفال
ـــــــــــــــــــ خبطت الغصن لين ابرق الريش طيرتـه
خلصنـا وقفلنـا الصناديـق بالاقفـال
ـــــــــــــــــــ ومن جور حكمه كامل القلـب حررتـه
العرض الشجري
