الثريا روعه ونوعيتها مرره جديده وهي اللي مكمله كل الديكور
حلو لو يكون عندنا مثل هالأمور بالأسواق تعطي منظر تحفه ×ابجوره
حلو يكون الضوء محدد بأبجورات جداريه صغيره وأبجورات جانبيه حول الكنب عشان القراءه أو ماشابه
المطبخ KITCHEN
حدود الإضاءه بالمطبخ مالها نهايه
لأن نحتاجها في النظافه والسلامه والتركيز بعد
لازم تكون الإناره في المطبخ سقفيه وتحت الأدراج وتركيز على مناطق الشغل مثل الفرن
والمغسله
اللون رايق
ولو كان فيه جزيره بالنص لازم يكون نازل لها ضوء من الأعلى يعني أبجوره معلقه
هالصوره تحدد لنا أماكن الإضاءه المهمه بالمطبخ
DINING ROOM أو غرفة الطعام
تخيلو معي لو تدخلون مطعم وتلقون النور فيه مررره عالي
وتدخلون مطعم ثاني بنفس الفخامه بس الإضاءه هاديه ورومنسيه ومحدده على الطاولات وبس
وين بترتاحون أكثر؟
أكيد بالنور الرومنس الهاديء
عشان كذا الإضاءه بغرف الطعام تكون محدده بأبجورات صغيره أو سبوت لايت موجه للجدران وثريا كبيره نازله أعلى الطاوله ولو كان فيه بوفيه تكون فيه أبجورات جداريه موجهه له ،، وأهم شيء يكون شكل الأباجوره نفس شكل الطاوله،، لو الطاوله مستطيله الثريا مستطيله ولو دائريه نختار نفس شكلها بعد
العرض المتطور
