** أدري إني ماني بثوبك **
ياسفينه إغرقت .. وإنطوى فيها الشراع
ياغصن مال .. وإنكسر وأعلن للشجر الوداع
يالحشى .. تملّكه أسى .. ألم .. حزن وصراع
إيه ربي .. نوّر دربي
ماعاد أقوى .. إنترس الحشى حيل وجاع
أدري إني ماني بثوبك
** ** **
ياحلق نشف .. وتعلّقت فيه كثير أسئلة وعبر
يا شوق .. يا حب .. تبدد بيننا وإندثر
يا هوى قلبٍ .. تطاير من عذابه وإنّثر
ويل قلبي .. ماعاد أسمع دقاته
توقفت عن التواصل .. نبضاته
وبدروبه .. عثـر
أدري إني ماني بثوبك
** ** **
أشوف نظراتك يايمه .. كلها أسئله .. لوم وعتاب
يايمه إسمعيني .. إفهميني .. إرحميني
حار فكري .. وطال صبري
تعالي شوفي حسرةٍ بقلبي .. ألم وعذاب
أنا وربي مدري وش هي يالحبيبه .. الأسباب
قال بيجي .. إي راح يجي .. إنطريني
ياريحة هلي .. ياعطر بخوري والأطياب
مدري إنه يايمه على فراقي ينوي
مدري إنه بيقفّل بوجهي كل الدروب .. والأبواب
مدري أنا يايمّــه ..
إنه طفى شمع ميلادي .. قبل موعده
في التاسع عشر .. من هذا الشهر
بدموع عيني يايمه .. والأهداب
أدري إني ماني بثوبك
** ** **
أدري إني تعلقت بحبال الهوى
مدري إنه على فراقي قرر ونوى
من بعد ما كنا نحسب الساعات لرجوعه .. سوا
رغم علمه .. إنه داي هو لي .. والدوا
أدري إني ماني بثوبك
** ** **
أدري بقصتي تمر عليّه مرّه وصعيبه
مدري عنه .. هم تولع مثلي بنار الحب ولهيبه..؟؟
وإلا حكاية ومرت عليه .. ومن الحياة تجريبه ..!!
أدري إني ماني بثوبك
** ** **
أدري إني يافلان على قد حالي
ربي وحده يعلم بظروفي وأحوالي
وغيره الشكوى لرب الكون أنا مالي
أدري إني ماني بثوبك
** ** **
يكفي إني أحمل طيبه بقلبي وكثير حنان
يكفي إني مشاعر .. إحساس .. قلب إنسان
يكفي إني من الشرف والعفه عندي .. عنوان
أدري إني ماني بثوبك
** ** **
إسمعني ولو للمرة الأخيره ..
البشر .. كل هالبشر تراها بالأخلاق .. مقياس
عمر الغنى والفقر في الحب ماكان له .. أساس
من يحب تنلغي كل الحواجز
ويبقى صدق مشاعر دفين .. بالإحساس
الحب من به يْْغرق ..ما يْفرق
مهما إختلفت من البشر أشكال .. وأجناس
مدري اهو قلبي جابني دروبك وصوبك
رغم أدري ياغلاتي إني ..
ماني بقدّك .. ولاني بثوبك