و عشان ايه ينسى اللى كان
و عشان ايه تغدر يا زمان
و عشان ايه الحب هان
و عشان ايه الغدر بان
*****
ازاى كسرتنى
هانت عليك أحلامى
ازاى قتلتنى
ازاى واقف قدامى
تقوللى خلاص انسينى
انسى اللى كان و سيبينى
أنا مش هوه اللى حلمتى زمان وياه
تقضى بقية العمر معاه
و تحلى معاه الحياه
انتى خلاص ذكريات
انتى مجرد ماضى و فات
*****
ازاى تقدر تقولها
أنا عمرى ما حبيتك
أنا عمرى ما حسيتك
يمكن كان متهيألى زمان انى هويتك
*****
ازاى تقدر يا غالى
ازاى تنسى الليالى
و ليه تودعنى
و ليه ترجعنى
من حلم كبير حلمته
و شوق وياك رسمته
*****
لا يا حبيبى لا مش سهل
انك تخدع تظلم قلب
تبيع تخون وتنسى الحب
و تظلم قلب حبك
و طول العمر جنبك
عاشق سارح مع قلبك
ولهان بيدوب فى قربك
بيموت من لمسة منك
ما كانشى عارف انك
خادع ظالم أنانى
مش حأرجعلك من تانى
*****
خلاص يا حبيبى حأنسى
خلاص يا عمرى حأقسى
بتقوللى انسى اللى كان
نسيته من زمان
و لو فى يوم تعود
حتلاقى مفيش وعود
و ألف باب و حدود
حتلاقى كله فات
حتلاقى قلبى مات
17/8/2003