يقولون الموضوع بين من كتابه عشان تسذا أنا بختصر السالفة وبطب رواسي على الكتاب ..
هاك اليوم وأنا جالس في غرفتي وأحوس فيها وأحاول أجمع بعض الأغراض المحيوسه اللي قالبه الغرفة تقل عزبة هنود وأشياء من سنة جدي وهي عندي وغبرتها تسنها غبرة الوكالة وأنا أحوس وأنبش بها الأغراض لقيت كتاب قديم الظاهر أنه من قبل الميلاد بعد [[ وش يدريك أنها .. قال من كبرها ]] المهم وأنا أقرأ عنوان الكتاب اللي هو [[ تاريخ الهكر .. على مر الدهر ]] وأنا اللي أنهبل وأقول أثر الهكر من سنة جدي وهم فيه .. ويوم فتحت الكتاب لين المؤلف حاط شروط لقرأة الكتاب .. قلت أها بس طس أنت وشروطك هذا الناقص كاتب ويتشرط بعد وأول ما فتحت الكتاب أبي أقراه ما دريت إلا الغبار اللي طلع وقلب الغرفة فوق تحت ويضفني هالغبار وما دريت عن نفسي إلا أنا بين ناس مهبل تقل اللي يجون في المسلسلات التاريخية وأسمع ضحكهم وخبالهم أثري طاب في حانة من حاناتهم [[ يعني بين سكرانين ]].. المهم وشوي لينهم يناظروني بعيون حاااااره وأسمع واحد منهم يقول .. من هذا ؟؟ ومن أين أتى إلى ديارنا ؟؟ ومن أي القبائل هو ؟؟ رد عليه واحد ويقول لا علم لنا به ؟؟ فقد نزل لنا من السماء قال رجل آخر أعطوه قليل من النبيذ عله يفيق من غفوته ويوم جاء يبي يشربني الرجال من هالنبيذ ذا وأنا اللي أفز ما أبي أشرب أنا وأنا صاحي ما أدري عن عمري أجل لو شربت نبيذ وش يبي يصير ؟؟!! قال واحد منهم لقد فاق من وعيه .. وإلا أسمع واحد من بعيد يقول ما بالكم أيها القوم هكذا ؟؟ قال واحد منهم لدينا رجل غريب لا نعرفه ولا نعرف من أي القبائل هو ؟؟ قال آتو به ؟؟ جاء واحد منهم ويتلني من رقبتي ويوديني عن هالخبل حقهم أثره كبيرهم الذي علمهم السحر .. ويوم سألني من أنت ؟؟ قلت له وانا متردد صدى الامس .. قال ومن أين أتيت قلت له وش يدريني ؟؟ انا صحيت ليني عند ربعكم ؟؟ وإلا أشوف عيونه تطاير قال وما بالك تتكلم هكذا أأنت أعجمي ؟؟ قلت وش أعجميه يا ابن الحلال انا عربي ؟؟ قال أتكذب علينا يا هذا ؟؟ لم نعهد أحد من العرب يتحدث هكذا وبهذه اللهجه ؟؟ قلت أسكت بس وش اللي لم نعهد ؟؟ أنا قلت هالكلام وإلا ما قلته ما دريت إلا يد تسنها جدار خامتني من وجهي وأنا اللي أطير وأطيح على حدى هالطاولات اللي فيها الفاقدين ويلتفت علي واحد منهم ويقول هل لي بقبلة منك ؟؟ وأنا اللي أنخرش وأهج من عنده وما دريت إلا حدى هالسيوف تاك على رقبتي ويقول أين ستذهب ؟؟ فشيخنا لم ينته من الحديث معك ؟؟ قلت أبد بس دورة المياة قال ماذا ؟؟ قلت لا ولا شئ بس أني بروح لم شيخكم .. قال هيا تحرك أمامي .. ورجعت لمه وقال من أي الديار أنت؟؟ قلت من شبكة الزعيم قال وأين تقع هذه الشبكة ؟؟ قلت على الإنترنت ؟؟ قال ماذا تقول ؟؟ قلت على الويب سايت [[ يعنني بأشرح له اللي مافهم الإنترنت يبي يفهم الويب سايت أنت ووجهك ]] قال ويحك ياهذا ماذا تقول ؟؟ قلت له يابن الحلال أنا من شبكة الزعيم وهي تبعد مسافات طوال وطريقها عسر عن بلدتكم .. قال الآن عرفنا كلامك وفهمناه !! قال تعال أجلس بجانبي وقالهم يجهزون لي كاس من النبيذ عشان أشربه .. قمت وجلست جمبه ويوم أني ريحت شوي طلعت البكت وشبيت لي زقارة وأول ماشبيتها وأخذت لي مزه منها لين عيونهم تطاير وهم منهبلين !! قلت لشيخهم وش بهم ربعك تسذا ؟؟؟ لين شيخهم أردى منهم !! لينهم يقولون أنه لملك وليس ببشر ؟؟ فما هذا الدخان الذي ينفثه من فمه وماهذه النار التي يشعلها ؟؟؟ إنه ليس ببشر !! وأنا أحتاس بهم وكل ما جيت أبي أكلمهم وأشرح لهم هالدخان وشو ؟؟ لينهم ينخرشون ويقولون عفواً يا سيدنا !! وأخذت شوي لين شيخ القبيلة بكبره جاي لمي ومستضيفني ومكرمني ومحسن تعاملي هو وكل أهل القبيلة !! المهم أنا شفت العز اللي عليه الكلام [[ لأن طول عمري وجه فقر ]] وتحسنت أحولي وتغيرت .. وصرت عندهم المرجع الأول حتى شيخ قبيلتهم ما يصف عندي بشئ هو شيخ ديكور وأنا الكل بالكل .. المهم أني حطيت شيخ السمرمد اللي صكني بكف سكرتيري الخاص ومساعدي أول شئ عشان أذله وأحوس مريره وأهبل به مثل ما هبل بي .. المهم صار هالخبل ذا دايم معي وهو اللي يروح ويجي معي دوم وهاك اليوم وأنا أتمشى بالحديقة اللي عندي بالقصر جلست حدر وحده من هالشجر اللي فيها مما لذ وطاب وهو معي قلت له تدري وش اللي جابني عندكم يا [[ وش ودكم نسميه ؟؟؟!! ]]<<< كاتب ديموقراطي يشاور القراء .. قال وما الذي أتى بك يا سيدي إلينا ؟؟ قلت له هالكتاب ذا وأنا اللي أطلع له الكتاب اللي قلت لكم قبل .. قال وكيف هذا يا سيدي قلت له أبد بس أني بغيت أقرأ الكتاب وأنا ما طبقت الشروط اللي يبيها المؤلف وطحت عندكم يعني مثل تسذا .. ويوم جيت أطبق اللي سويته قبل ما دريت إلا اني في بيتنا وفي غرفتي ومعي هالشين ذا قلت وش اللي جابنا هنا ؟ قال وما هذا المكان يا سيدي ؟؟ قلت أنثبر بس هذي غرفتي الله يخزي إبليسك ؟؟ قال وما بال غرفتك هكذا ؟؟ وما هذه الأشياء التي فيها ؟؟ يقصد التلفزيون والكمبيوطر والسرير وكمبيوتر صخر وغيرها .. قلت له هذا زماننا غير زمانكم أنتم مغبرين .. المهم أني طولت وأنا أشرح له عن وضعنا وعن زماننا وكيف أنه تغيرت الأوضاع وتبدلت الأحوال وسوالف مالها سنع .. المهم أن الرجال بدى يروح ويرجع معي وصار هو خويي وصرنا نروح سوى للحانة حقتنا مهيب مثل حاناتهم فيها خمور وخرابيط لا حانتنا غير أنظف منهم بشوي بس فيها معسل وباعشن ودخان .. وصرت أروح للجامعة وأرجع والرجال بالغرفة مسنتر وأنام وهو عند التلفزيون يتابع القناة الأولى .. وتحمس مع المسلسل اللي يجي بآخر الليل .. تعرفون قروي وتوه شايف التلفزيون وإلا أحد بالله يتابع غصب واحد .. المهم أن الرجال تحمس معها وهاك اليوم قال لي يا صدى <<< خلاص طاحت الميانة بيني وبينه .. قلت له هلا .. قال هل أتيت معي وتابعت المسلسل الذي سيأتي بعد قليل ؟؟ قلت له متى يبي يجي ترى وراي جامعة بكره ؟؟ قال يأتي في الساعة الواحدة ليلاً ؟؟ قلت على أي قناة ؟؟ قال على القناة التي شعارها سيفان ونخلة ؟؟؟ قلت غصب واحد ؟؟ قال نعم .. وأنا اللي أتسدح من الضحك .. قال وما بالك تضحك ؟؟ قلت له مصدقك أن ربعنا يبون يجيبونها في الوقت اللي هم قايلنه ؟؟ قال نعم .. قلت له تبطي عظم تبي تجي الساعة 2 وهم ما جابوها ويمكن ما يجيبونها خير شر قال ولم لا تنتظر معي إلى أن تأتي الساعة الواحدة وإن لم يعرضوا المسلسل أذهب وأخلد إلى الفراش ؟؟ قلت يالله نشوف وش عندهم ؟؟ المهم يوم جت حول الساعة وحده يعني وحده إلا خمس وهم يخلصون الأخبار وبعد خلص حسن كراني هو وأطيب تمنياته وجابوا دعايات يوم جت الساعة وحده حكم وهم اللي يجبون المسلسل انا ما صدقت قلت صدز هو ؟؟ قال نعم ألم أقل لك ؟؟ قلت أها بس تلعب علي انت تراني ذهين وما ينلعب علي أنت مشغل الفديو صح ؟؟ قال ويحاً لك ألا تريد أن تتلايط وما هذا الفديو الذي تتحدث عنه ؟؟ [[ شانت أخلاق رفيقي ]] .. وشوي يوم أني أيقنت أن غصب واحد جابوا المسلسل في الوقت المحدد دريت أن ماعندي سالفة وأن كل هالخرابيط اللي صارت كلها مهيب لم سنع وأن هالأحداث كلها من نسج الخيال .. ويوم صحيت من هالخرابيط وأناظر الكتاب اللي معي لينه مجلة ماجد .. وإلا بالله بعقلكم غصب واحد تجيب البرامج على وقتها ؟؟؟ ...
المزيون 999......................
العرض المتطور
