عزيزالنفس ولي عزة ولا ارضى عزتي تنهان
========= ربت في العز وصارت عز ولاتمشي دروب الذل
لجلها مانزلت دمعة على المقفي من الخلان
========= لجلها كم جرعت المر واشوف الموت واتحمل
ومن ينوي على الهجران محله عالم النسيان
========= ولو ان هجره هم وويل ماابين شكوتي وأسأل
ولو تطعن خفوقي برمح من مثلك صدقي مالان
========= ترى قلبي على الشدة ربى وإعتاد ولا يذبل
يجوز اخطيتي بحقي ويجوز اني انا الغلطان
========= ولكن النتيجة هي ماتتغير حسب من زل
نتيجتها فراق وبعد نتيجتها جفا وهجران
========= وانا راضي باللي يكتب ولا افكر ادور حل
كلام واقع وقصتنا حقيقة وعندي البرهان
========= بدايتها مشاعر شوق ونهايتها شقانا هل
ومع هذا ورغم هذا عزيزالنفس ولاتنهان
========= ومع هذا رضيت اشقى رضيت الموت ولا انذل