حرك سكوني هاجس الود وابديت
للي تمّنى طول الايام شوفي
مجبور وادري واقتنع وان تعديت
حدي تعدل الراس عوج السيوفي
بالوصل افكر.. دامني ماتوفيت
وان طاح راسي وش تسوي كتوفي
مبداي واضح لاجفا الخل .. صديت
لي مذهبً يابنت مانيب صوفي
يابنت انا لوعدت عز الله اوفيت
ومثلك يعرف اني وفيّ .. ليه مـ اوفي!
لكن دونك حالت ضروف وأقفيت
اللي منعني عن وصالك ضروفي
يابنت ليت البيت يابنت بالبيت
ليت السعادة بين قبضة كفوفي
يطيب لي معك اللقاء كل ماجيت
وأقول شوفي حالتي كيف .. شوفي
شوفي وقولي للزمن : ويش خليت
خليه يدري عن سعيرً بجوفي
كم ضاعت امالي معك كم تمنيت
كم صرت كلي هم كم قلت: روفي
وان زارني طيفك مع الليل.. ونيت
طوفي علي بحلمي ان نمت.. طوفي
خليني ارحل عن سما الحزن.. وليت
هدّي سراحي كان قلبك عطوفي
وانا.. اتحمل زلتي كان زليت
يابنت وانتي من قضاء الله خوفي
ناديت بسمك عندهم يوم سجيت
عنهم وانا ماني بطبعي زهوفي
ارسلت لك مكتوب يابنت.. واخطيت
(بالصدق)معكي لكن اقري حروفي
خط ً كتبته (والمعاناة) في بيت
صعبً عليّه عند بابك وقوفي
.
.
.
// بقلمي //