الهنوف اللي لـها بالقلب منزالٍ شــديد
من عرفته له ورا الاضلاع مرسوم وشهايد
/
مـــاتغيـب الا تجيب ولا تـريد الا تصــيد
وان وقف قدامها راع الهوى ماهو محايد
/
فتنة العصر الجديد وقمة الذوق الفريد
والكواكب لو بغتها صـارن بجيده قلايد
\
ان مشت قايد جيوش وياوقفت مهرة عقيد
وان تمــادت تاخذ القـايد ومحصول الفوايد
/
وين مــاحطيتها ؟ لقيتها! شــيك ورصــيد
لو يطيح السوق سوقه فوق تجميع المزايد
\
شـرقها تمر الخلاص وغـربها الطلع النضــيد
ومن شمال ومن جنوب الدر والياقوت سايد
/
مــايذوب الثلج يـامرت يذوب اقـوى الحـديد
كيف قلبٍ من لهيب الشوق تغريه الوعايد
\
والقصــايد لـو سمعته شدّني جرح القصيد
يستثير اقسى الجروح وتندفن فيه القصايد
العرض الشجري
