في داخلـي جمر لكـن مـا يدفينـي
من يشعل النار في صدري ويدفابي !!
من يجمـع الغيـم بيدينـه ويسقينـي
واصب عيني لعينه واحطب اهدابـي
من ياخذ النوم من جفنـي ويسرينـي
ويعلق الصبح قبل اصحى على بابي!!
تعبت اوطّن بقلبـي شخـص ينفينـي
تعبت اهجّر حمامِ حـب محرابـي !!
تعبت اقطّف حروفـي مـن بساتينـي
والناس تعجب وانا مانلت اعجابي !!
يا اول الحـب وينـك او انـا وينـي
تغيب عني كأنـك تعلـن اغيابـي !!
من غبت عني وانـا والله مـا ابينـي
ضيقت خلقي وضاقت فيني اثيابي !!
اعد عمري الحقيقي واحسب سنينـي
لقيت عمري معك ما جاوز اتعابي !!
طلبت قلبي وقلت ابشر ومـن عينـي
واعطيتك اللي تبيه وقلـت بسبابـي :
يبذربي الحب من صغـره ويجنينـي
الين شفتك زرعت الموت بترابـي !!
حريتي معك ! لكن عطنـي ايدينـي
اخفي بها حزن متسلطـن بهدابـي !!