تدري وش اللي بـ هالدنيا يضايقني ؟
انك على طول تنساني مع احبابك
انا غيابك ورب البيت يخنقني
بس انت قلي بغيابي كيفها اعصابك؟
......
خطرت مره فـ بالك يامفارقني
مامر طيفي عليك وسهر اهدابك؟
ماطوقتك الهموم اللي تطوقني
ماحركتك الحروف اللي على كتابك
انا احبك ومو لازم تصدقني
انا ابيك وذبحني الشوق بغيابك
انا بدونك حزين وماني طايقني
انثر بقايا حطامي واجمع عتابك
قلبي وهو قلبي امعيي يرافقني
شوفه ذبحه الحنين ايطقطق ابوابك
مخنوق من غيبتك لو فيك تلحقني
يمكن اموت ويكون الموت بأسبابك
طالبك قبل المفارق بس عانقني
عشان تبقى معايه ريحة ثيابك
عشان لاهزني شوقي وزهقني
اشم ريحة غلاك والعن غيابكـ
العرض الشجري
