قصة ابغي لها حل ارجوكم فتحو المضوع بسرعة(حادثة صارت لي)

[ندى بنت الحزن]

شكراً على ردودكم المقنعةبس ابغي اقول شي
بس من ناحية المشكلة تطمنو لأني تخلصت من المشكلة اللي كنت فيها وبنت عمتي خلاص رجعت لها بس مستحيل اني اكون معاه مثل قبل يعني الحين رجعت المدارس وهي معاي في نفس المدرسة ومايصير اني ما اكلمة لأن هاذة الي يمكن يعيق طريقها وبعدين آنة آخر سنة في المدرسة فمومعقول اني ما اكلمها ................
بس عمتي عاقت طريقي لأنة قالت حق باقي عماتي وبس اهي مالها دخل بس الله يسامح اللي سو المشكلة بس يوم القيامة جاي بس وين وين بيروحون من عقاب ربهو
المهم الله يدخل جميع اللي نياتهم خيرة ومالشين على باب الله الجنة
يا رب بعدين آنة مهتمة في عبادتي ولعلمكم انة هوايتي الثانية هي العبادة وآنة ما اسمع لا أغاني ولا هم يحزنون
اتمنى انكم تقبلون ردي




تحياتي
اختكم
الحزينة
ندى

[الهوى]

أختي ندى بنت الحزن...أنا أولا أحب أهنيك و الله يعطيك العفيه ...لأنك لجأتي أولا إلى أخوك ...ترى يا أختي ندى المفروض أنه لا بد الواحد منا يرى شخص يثق فيه و يساعده ويحل بعض مشاكله ....و مو عيب ولو كان هذا الشخص المقرب لك أخوك مو أختك مثل ...و إلى أشوفه بعض البنات هذا الايام يفكرون أنهم يلجؤن مثلا لبنت مثلهم طيب و شفيه الولد أقصد الاخ ...مو أهو أولا و أخيراًٍ اخ من أمك وأبوك ....
وترى وسعي بالك ترى كل مشكله ولها حل

[الدر المنثور]

أختي ندى بنت الحزن .... ما عليش اسمحي لي بكون قاسية عليك

أولا / أختي إنت غلطانة بل مذنبة .

لأنك سمحتي لنفسك تغتابين بنات عمتك وحتى لو أنهم غلطانين بأي حق تتكلمين فيهم مع بنت عمتك التي هي بدورها ما قصرت وتكلمت معك عنهم ....
ألم ينهانا الله عن الغيبة ... وإذا إنت عاتبة عليهم انصحيهم ولا تفضحيهم .... وبنت عمتك جمعت ما بين الغيبة والنميمة

لذلك يا ندى ربك عجل لك العقاب وصار لك نفس إلى سويتيه تكلموا هم بعد فيك واتفقوا عليك ..... أرجوا إنك تستفدين من هذا الدرس وتتعلمين ستر الناس وبذات الأقارب وما تتكلمين في أحد تنفيذا لأمر الله
واستغفري لذنبك وكلي أمرك على الله بكرة تتصلح الأمور وتنحل المشكلة ........
وأسرارك احتفظي بها لنفسك .

يؤثر عن عمر رضي الله عنه أنه قال لا تعاتب من فشا سرك حين ضاق صدره به فصدرك كان أضيق .

[ليال]

بصراحة
موضوعج ما يستحق كل هاذه .......

هي قصتج صج مؤثرة.....شوي
بس انتي غلطتي في شي بقوله لج الحين

هاذي القصة اللي انتي قلتيها مثل ما افهم من اللي قريته انها مسألة بينج وبين عائلتج ومو حلو انج تكتبين شي حصل لج مع العائلة

ثاني شي انتي الحين اغتابيتي بنت عمتج والغيبة اذا تعرفين حرام
واللي سويتي انتي غلط.......
يعني فكرة كتابة ها الموضوع غلط
فاتمنى انج تراجعين نفسج وتشوفين شنو هو الغلط اللي كتبتيه
اوكي



اختج
ليال

[ندى بنت الحزن]

انتو فهمتوني غلط
1- اول شي لا تعتقدون ان آنة جريئة
2-آنة قلت هاذة الشي لبنت عمتي علشان تساعدني وننصحهم آنة وياه

وهاذي مو غلطة اذا طلبت منها انها تساعدني



تحياتي
البنت الحزينة

ندى بنت الحزن

[solaf]

البنت الحزينة
يؤسفني ما سمعته ولكن لتعلمي ان ما صار لن يؤثر عليكي ولكن كل ما تعملية هو الاتي :
1 - ادعيلهم بالهدايه اذا كنتي فعلا متأكده انهم ما يصلون .
2 - اذا فعلا جادة في انك تهديهم فاحسبي ذلك عند الله .
3 - اذا زعلوا منك بنات عمك فصدقيني بيجي يوم يعرفون انك كنت تودين مصلحتهم ومهما طال الوقت فسوف يعترفون بهذا الشي .
4 - من ناحية اسرارك فان شاء الله انها ما راح تخبرهم بشي وخاصة اذا كان فيه شي مشترك بينكم .
5 - ان حصل لا قدر الله شي من ذلك فعليكي بالانكار وان هذا الشي فيه افتراء عليكي لاسباب النصح وما شابة ذلك .
6 - وهو الاهم حاولي تبردي الموضوع وخاصة من ناحيه اخوكي وانصحك بعدم التفكير في الموضوع وان لا تجعليه محط اهتمامك .

هذا من وجهة نظري
ولكي شكري

[ريفالدو العرب]

الرجاء ماعاد تقولين لاحد سرررررر حتى الاقرباء ماعدا القريبين جدا كالوالده والوالد وغيرهم0000000

[حلم السنين]

ايش يعني بيقعدوا يعيروكي بهذه الاسرار

خليهم وخذيهم على قد عقلك
واذ جو وسألوكي في اي موضوع من هذي الاسرار انكري وقولي انا ما قلت ولا اعرف اي حاجة عن هذا الشي وزي كذا انكري انكري انكري

صدقيني يطفشوا منك ولاعاد يجيبولك سيرة عن هذه الاسرار

هذه خطوة اولى الخطوة الثانية

حاولي تسحبيهم وحده وحده لكي
شوفي مين قلبها ممكن يستجيب لكي بسرعة وتقدري تتكلمي معها

حاولي تاخذي وتعطي معاها مو مشكلة خذي معها وقت مرة على مرة على مرة
تقدري ان شاء الله تكسبي وحدة
وحدة تجر الثاني والثالثة وزي كذا

بس لاتنسي انها حتا خذي وقت

في حل غير هذا كله واحسنهم وافضلهم



استعيني بربك

ربك ويين راح موجود قومي صلي ركعتين وتر قبل ماتنامي وادعي ربك انو يررجعهم لكي زي اول واحسن ومو من مرة واحدة حاولي تدعي اكثر من مرة وبصدق وحاولي تدعي من اعماق قلبك مو بس بلسانك دون جوارحك

[رزيقه]

اختي تحياتي :

اولا انا مقدره وضعك تماما لاني مريت بنفس الوضع بس خرجت بدروس مفيده .

اختي انت غلطانه في ذهابك الي قريبتك كان الواجب ان تذهبي الي اخواتك وتنصحيهم مباشرة ووجها لوجه بدون واسطه ربما كانو تجاوبو معك واخذو بنصيحتك وعلى العموم الله يهدى ويصلح الجميع .

[أميــرة السراب]

السلام عليكم ورحمة الله وبركاتة
شلووونك
أنا ماإستغربت من حكايتك لأنها كثير مرت علي
ولكن الحمد لله على كل حال
شوفي إختي الكريمة إنتي أبداُ ماسويتي شيء
غلط ولكن تدرين وين الغلط هووو إنك أخذتي رفيجتك
على زاوية وإندسيتي تحت الطاولة وقعدتي وإسمحي لي
بهذة الكلمة تحشين في بنات عمتك وهن ماهن موجودات
طيب شنووو إستفدتي لما قلتي حق رفيجتك بس راحت
هي وسبقتك للمشكلة طيب إذا إنتي تبين تنبهينهم
كان المفروض تنصحينهم وجهاُ لوجة ياأختي الدين نصيحة
وبعدين دامهم مسوين شيء يغضب ربك لاتسكتين علية بس لازم
تقولينة لهن وقدامهن علشان مايحتجن عليك وإعذرني
أدري إنك ماقلتي مشكلتك علشان نعاتبك ونلومك خلاص مايفيد
العتاب إنتي تبين حل إسمعي ياأختي الكريمة غمضي عيونك
عن كل شيء ولا كأن أحد بالدنيا تعرفينة المهم ربك الدنيا
فانية ماحنا ماخذين منها شيء غير أعمالنا الصالحة بإذن
اللـــــه اللي يبيعك بيعية ولا تخافين دام عين اللـــه
ترعاك إسمعي إنتي ماقلتي لها أسرارك إلا هي قايلة لك
أسرارهـا وعلشان جذي لا تخافين لأنها في نفس الوقت تكون
خايفة من ردة فعلك وإنتي ماعليك لاتقاطعينهم صيري
أحسن منهم سيري على عمتك سلمي عليهم خلي يكون بينك
وبينهم بس سلام مو شرط سوالف قولي لهم عن وجهة نظرك
إنصحيهم قولي إنك موقاصدة تحشين فيهم وإنك كنتي
ناوية تقولين لهم ودائماُ حاولي تكونين أحسن منهم
قابلي الإساءة بالإحسان علشان يكون هذا في ميزان
أعمالك يوم القيامة إنشالله حاولي تتجنبين الإنفراد
فيهم أما رفيجتك فإنسي إنها كانت في يوم من الأيام
رفيجتك وعامليها كبنت عمتك فقط مابينك وبينها شيء
وإن تكلمت عليك قولي لها أثبتي اللي تقولين ويمكن
تكون هي اللي خسرتك مو إنتي اللي خسرتيها وصدقيني
ياأختي الخسارة الحقيقية بالعمر فقط
أماأخوووك فنصيحتي لك سكري الموضوع معة علشان ماتكبر
المشكلة وتزيد النار حطب وإن صار وفضحت أسرارك
قولي إنها تتبلى عليك لأنك سويتي..جذي..وجذي..وجذي
السالفة اللي قلتيها لأخوك وأرجو أن تقبليني
صديقة لك وإذا إحتجتي أي شيء أنا بالخدمة
كن كالسمــاء ينظر إليها ولاتكن كالأرض يداس عليها
وتمنياتي لك بالتوفيق وربي يحميك.....
وفي البداية والنهاية إستعيني بربك.........
إختـــــــك
((حــــالمة))