نبهـا ( النبهانيه )

[راعي النبهانيـه]

{{ نبهــــــــــا }}

قالوا تعشقها قلت أول عشيقـــــــه ==== لو شيف حالي عقبها وانطبااعـــــــه

لو الود ودي ما بعدت عنها دقيقــــه ==== لأجل إنها هي ديرتي ياجمـــاعــــــه

حبي لها أكبر من بحور عميقــــــــه ==== ودي بشوف الدار مارضى القطاعــــه

إحروفها في وسط جوفي غريقــــه ==== وأردده بالصوت في كل ســاعــــــه

فيها {أبان} اللي جبالــــه عريقـــــه ==== ياجعل همال المزن يفيض اتلاعـــــــه

{نبها}عسى السيل به يسمع صفيقـه ==== ومع كل واد يزيد صـوت اندفاعــــــه

معشوقتي {نبها} يأغلى عشيقـــــه ==== يامن سكنتي القلب من سن الرضاعـه

* أبان// هي جبال عريقه في النبهانيه وهي معروفه من قديم الزمان
* نبها // هو الاسم القديم للنبهانيه فيما مضى

نبها هي احدى قصايد البدائيه اللي اعتز بها والأقرب الى نفسي..

أتمنى ان تحوز القصيده على رضااكم واستحساانكم ..

اخووووووووووووكم// ¤©§][©{ راعي النبهانيــه }©][§©¤