[poet font="Simplified Arabic,4,green,normal,normal" bkcolor="transparent" bkimage="backgrounds/6.gif" border="none,4,gray" type=0 line=200% align=center use=ex length=0 char="" num="0,black" filter=""]
كل يلوم الحب ويلوم الاحباب = كل وضع قلبه للاشواق قاضي
البارحة عديت في راس مرقاب = ابكي على وقت من الشوق ماضــــي
واوقدت جمر الشوق من صدر شباب= هاض الخفوق لطاري الشوق هاضي
وقت مضى والشوق باقي ولا غاب = اطوي بهاجوسه بعيد الاراضــــي
اي والله انك ياهوى حيل كذاب = ولا عدت عن حال المحبين راضــــي
بافسر احواله على قول الاقراب = والعاذل اللي مايريد اعتراضـــــــي
قالوا بداياته بنظرة ثم اعجاب = ثم سلهمة عاشق وثار متقاضــــــــي
قلت اتركوه انا خبير بالاسباب = انا خبير الحب دون افتراضــــــــي
وطيت بارض الشوق وجبال وهضاب = واشعلت حرف الشوق وسط الرياضي
ونوخت لاجل الشوق تاريخ وركاب = وسجيت ركبي وسط ذيك الفياضي
ووردت ميراده على كل مركاب = القلب يزهى شوق والكف فاضـــــــي
غريب في داره وحاربت الاغراب = لاجله طوتني غيرتي وامتعاضــــــي
وسلمت من طعن العدو لكن الداب = عنه سهيت وكنت عنه متغاضــــــي
واونست سمه بين الاضلاع ينساب = مافادني حرصي وكثر احتفاظـــــي
يادمع ياحبك على لمس الاهداب = وجروح تكثر مالهن انقراضـــــــــــي
غلاب ياسم الهوى حيل غلاب = تكررره الصفحات طعم البياضــــــــــي
هاجس الفرقى
[/poet]
اخي هاجس الذكرى كلمات ولا اروع
لقصيدة متكامله
من مبدع تسلم وانتظر جديدك دائما
العرض المتطور
