السلامو عليكم ورحمة الله وبركاتو
اليوم راح اعرض يومياتي بس لا تضحكو
راح ابدء من الفجر طبعا بعد ما صليت الفجر
مسكت الموصحف حقي وهادي صورته
قريت شويه وروحت بعدها انام
الساعه تقريبا 12 جاء بابا وروحت معها السوبر ماركت نجيب اغراض للبيت
وبما انو ماما ماكانت موجوده انا الي طبخت الفطور <<<
تخيلو حتى شغاله مافي سافرت قبل رمضان
الموهم مو عارفه ايش اسوي لبابا وخالي عندنا متكي
دخلت المطبخ من الساعه 3 وسويت سمبوسه وحلى نوعين (حلى الكاسات-وحلى الكريم كرمل)
سويت كمانا الشوربه وسلطة الفتوش بالذره وعصير تونو
وباب جاب من السوق (الفول -وحمص _ومتبل_بيتزا)يموت بابا في الفول والحمص برمضان
قبل المغرب بنص ساعه جهزت الفطور الاول الي هو عباره عن
(تمر نوعين+قشطه ناكولها مع التمر+لبن+مويا+قهوه) وهادي صوت فطورنا الأول
بعد كدا راح بابا يصلي هو وخالو وانا قومت اصلي
وجهزت فطورنا التاتي حتى يجو من الصلاه
وهادي صورته
وهادي صوره تانيه
وهادي البيتزا كمانا
صورت فطورنا بالمطبخ استحيت من خالو اصور قدامو بعدين يقول وش فيها هادي اتهبلت
صورت لكم من كل نوع صحن واحد
جلسنا ناكول والحمد لله بعد ماشبعنا قومنا نشيل الصحون على المطبخ
تعرفو مافي شغاله سافرت واتكرفنا اليوم <<< تعبت
روحت على غرفتي ارتبها جلست ارسم وبعدها مسكت الموصحف شويا وقريت
قومت بعدها اصلي العشا
اخدت لفه على البيت اشوف ازاء بابا يبغى حاجه
بعد كدا روحت المطبخ وسويت كوب نسكافه ساده مع فصفص
وجلست على النت
دخلت الود وحملت الصور من جوالي على لاب توبي
وبكدا اكون خصلت يومي هادا