&:::::::فـــرحي وحــــزني وعتابي وصمتـي*بنقشهـــا بدمع المــدى والابيات::::::&

[مــــــدى]

أرخيت راسي / وتوسدت كفّي
................... والكرى / بيني وبينه اليــوم عاقه

هواجيـس بقعـا تذبحني بتشفّي
................... كـن بيني وبين لياليهــــا / رفاقــه

ألا ياسهوم الليل رجيتك تخفّي
................... والله ماعاد بي من الروح طاقه





المــــــــــــــــدى ,,,

[مــــــدى]

ابعتق نفسي من الشعر شوي لأني مااقدر استغني عنه لو فتره بسيطه ...

قبل شوي مجتمعه مع الأهل واخذتنا السوالف , وقلنا كل واحد يذكر أكثر موقف مُخيف تعرض له .. إلى أن جاء دوري ..
قلت لهم أنا أكثر شي يخوفني أيام الدراسه النتيجه بااعتبار إني كنت دافوره يعني ودايم من الأوائل ( مادريت إن فيه أمور في الدنيا تستحق إني اخاف منها أكثر من النتيجه ؟ .. ماعلينا ..) المهم كنت عند اول سنه لي باالكليّه مجتهده باالمرّه ,, وكنت متوقعه كاالعاده إنّي اخذ الاولى ,,
لمّا جيت عند لوحة إعلان النتيجه كان عند اسمي هاالشكل ( م / م / م / .....) عند كل ماده .. كنت احسب حرف الميم يقصد فيه تقدير مقبول .. طبعاً انصدمت وهلّي ياالعبرات وتساكبي , معقوله هاالمجهود كلّه يروح هباءً منثوراً ...
زميلاتي كانن يحسبن إنها دموع الفرح .. إلى ان قالت وحده مبروك الترتيب الأول .. قلت لها أول إيش ماتشوفين النتيجه كلها مقبول ..
قالت مقبول إيش الله يهديك , كلّه ممتاز .. والمقبول يحطون له حرف لام ...
رجعت أقزّ اللوحه أكثر من مرّه من قو الصدمه ...

بس تعلمت من هالموقف درس إن الشخص يكون واثق من نفسه ولايستعجل الأمور ..

[مــــــدى]

إلى متى/ يعتلي صمتك السور
................. وإلى متى ؟ دربي مايلتقي بدربك

ألا يامعمـــي ٍ قلبي عن النــور
................. ماهان عليك الحال ! خاف ربّك

ليتك تجرب الحــــال وتخـــور
.................والله لتنطق عيونك / ياكم أحبك








المــــــــــــــــــدى ,,,

[مــــــدى]

خلّي / هو أكبر من غدرك ظليمه!
.................... خلّي / هو تحسب اللي مضى كان !

خلّي/ والله يالولا النفس الحليمه
.................... لااسقيــك مااسقيتني /ظــيم ٍبالاطنان

كنت احسب كل النوايا سليمه ؟
.................... لين تعلّمت/من حب بصدق خسران !

وينك ؟ ياعفة الحـــب الكريمه
.................... تعالي / وواسي من شانك على شان

تبري من عنى الروح السقيمه
.................... ولايصبـــح العطــــاء كما الغـــير/ منّان







المــــــــــــــدى ,,,

[مــــــدى]

سرى الليل ياخافقي وش فيك ؟؟
................ إرحــــم في شفقـــــة النـــوم عيني

حسبي الله على اللي مبتليك
................ مستلذ ابنـــومه وجاهل ٍ فيني



المـــــــــــــــــدى ,,,


تصبحون على خير

[مــــــدى]

هو بقى فرق بين الحي والميت ؟
.................. ياكثر الشبه بينهم / وياهو واجد

ياشينها لاصرت من العمر ملّيت
.................. ولوايع الوقت على نفسك تحاشد

استغفر الله ليا قمت وصلّيـــت
.................. العــــالم باالحـــال والـــراس ساجد

لو خلّتني عزومي ماعنه تخلّيت
.................. العظيم اللي بروح نفسي تواجد




المـــــــــــــــــدى ,,,,

[مــــــدى]

علّمـــتني بحيـــاتي / وش معنــــى الجفـــا
ــــــــــــــــــــــــــــــــــــــــــــــ وانا اللي على وصلكم شوقي حداني

ماهقيت الجـــرح / وانا احسبك دفا
ـــــــــــــــــــــــــــــــــــــــــــــ ليتك تحـــسّ الظيم /وتحـــل بمكـــاني

حسافة صــدقي معك / ياقليل الوفا
ــــــــــــــــــــــــــــــــــــــــــــ وحســافة إحســـاس حبّك باالمحاني



المـــــــــــــــــــــدى ,,,,

[مــــــدى]

بسمتي !

ونظرتي !

ورعشة خفوق !

تشهد تفاصيلك ...

وليلها مهتوي ليلك ...

هي تكفي احساسك ؟

وتنعش انفاسك ؟

تدري ؟ مااملك غيرها !

حيلتي / هي بمكاني

جاهله حدودي بزماني

بس هنا ..

أنا هنا ..

مثل طير ٍ حبيس ..

مشتاق الونيس ...

حلمه باالدنيا خفوق ...

يعانق جرح الخفوق !

[., {.ٍ بكِـــيتُكّ ,.]

انا اقوم واقـعد ماعـرف ويـن بــارووح ..
...........................ضـايــق وضـاقـت بـي لـيالـي حزيـــنه ..

ابـكي ولو ابـكي مـافادنــي الــنوووح ..
...........................جروحــي بحــر هايــج وقلـبـي سفيــنه ..

خنجــر واحـسه منتـصف بين الاضــلاع ..
...........................لاهـو اللـي ذابحنـي ذابحنـي ولا اللـي قـويـته ..

[القمه]

آشتقت لك ,
شوق الطفل اللي آنحرم . .

طفلٍ مشى درب الشقى والضحك لشفآتة عدم !
يبكي وله ,
والنآس تحسب بكيته جرح وسقم
وحيد والذكرى ألم . .
لآهو لقى من يفهمه !
ولآهو درى ليه آنحرم !