كيف كنت/ي ايام طفولتك شيطان/يه ولامؤدب/ه ؟
لا مره هآديه بس ساعات اطلع بطلعات اجنن اهلي
ماهي المواقف اللي عرضت فيها اهلك للاحراج؟
ماتذكر ولو الوالده جنبي الحين كان سالتها
هل كنت شخص ذو شخصيه قويه أم مغلوب عليه ؟
مغلوب عليه بحكم اني اكبر اخواني ومالي حد احتمي فيه
اكبر عيديه جمعته/جمعتيه كم ؟؟ ومن مين ؟
كانت 5 الالاف ريال من عم الوالد الله يحفظه
يوم كنتي صغيره تسوين جدايل والا كاريه ؟<<للبنات بس
لا والله جدايل كان شعري طويل مره
يوم كنت/ي طفل/ه تلع/بين بكمبيوتر العائله ؟؟
امممم قصدك صخر .. لا ماكان عندنا كان عند جيرانا وكنت اقلط عندهم 24 ساعه عشانه
واذا قصدك الاتاري ايه كنت احبه وخصوصا لعبة ماريو
يوم كنتي تلبسين مريول المدرسه هل تحطين شباصات ميكي ماوس
وشرايط بيض ؟؟ << للبنات
شرايط ايه كنت احط بس ميكي ماوس لا هههه
من كـان يدلعك أكثر أبوك او أمك ؟
كلهم الله يحفظهم بس معروف دايم الاب احن على البنت
اســم دلعك بالطفوله لحد الان ينادونك به ؟ وماهو ؟
هههههه سر ممنوع اقول لاحد خخخـ ..
بطفولتك كنت/ي تبكي/ن إذا ماجلست/ي بالاول بالطابور اوالفصل ؟
امممم لا ماكنت ابكي بس كنت افضل الاول
عندك لعبه موجوده من صغرك إلى الآن ؟ وماهي ؟
ايه عندي سيكل من ليتل تيكز للحين عندي واخواتي الصغار لسى يلعبو فيه
صار لك موقف مع المرجيحه..؟
هههههههههه ايه .. مره كنا معزومين عند ناس واختي الصغيره كان عمرها تقريبا 3 سنين كنا ننتظر اهلي بالحوش واختي هذي تلعب في المرجيحه قمت انا تحمست ودفيتها بقوووووووه ودردب البنت على وجهها
طبعا راح وجهها وتمخشت ونزفت بس كان شكلها يضحك وهي تطير وتطيح هههههه
هـل كـنت/ي تـعانـ/ين مـن اخـطاء فـي مخـارج الحـروف .. (الوح=أروح) عثير= عصير)؟؟
اممممم كنت اعاني في اللفظ نفسه .. يعني كان عندنا عامل باكستاني اسمه مصلخان كنت اقول للوالد بروح لمصلخان الباكوفستاني خخخخخخخ
ما اكـثـر حلاوة كنـت/ي تحـبه/تحبينها ..؟
حلاوه سودان البرتقاليه وسفاري
آكله تحبها كثير ...وآكله تكرها ..؟
كنت احب الكيك الناشف لما امي تسوي كيك كنت اخذ منه كم قطعه واغلفها بكيس واحطها تحت السرير لين تنشف بعدين احطها بحليب واكلها << مزاجات وماتذكر كنت اكره شي
ما اسم اول مـدرس/ه درستك ..؟
ابله فاطمه الغامدي الله يحفظها ..
لما احد يكفخك في الشارع لمين كنت تشتكي..! والا تاخذ حقكـ بنفسكـ .. ؟
ماكنت اطلع بالشآرع
وش كانت عيارتك!
ماليش الحمد لله
كنت تنآم لحآلك ولاعند المآمآ ..؟
لا لوحدي ..
اجمل موقف صار لك بطفولتك ..ومازال عالق في ذاكرتك؟
يمكن مو احلى موقف بس مستحيل انسآه .. اول يوم دخلت فيه المدرسه .. بالرغم انه قبل15 سنه لكن للحين هاليوم اتذكره بكل تفااااصيله ومانسى فرحتي اليوم اللي قلبه ..
ايش الالعاب اللي كنت تلعبها بطفولتك وايش اكثر لعبه تحبها ؟ومع مين تحب تلعب اكثر شيء ؟
كنت احب عرايس البآربي .. واحب العب حريم .. مع اخواتي وبنات جيراننا
أجمل مكان سافرت له وانت صغير وتتمنى ترجع له ثااني ؟
الاماكن اللي سافرتها وانا صغيره نفسها الحين اسافر لها يعني عادي
هل مر عليك موقف بطفولتك خلاك تكره شخص معين واذكر الموقف ؟
كمان مايحضرني شي حاليا
كم مرة انطقيت ..او كنت تنطق كثير؟
لا كنت انطق بس مو كثير والله مو فاكره كم مره هههههه
كيف مستواك الدراسي ممتاز ..ولا كسلان ..ولا نص ونص ..؟
كان نص ونص بس اقرب للامتياز
ماهو الحلم البريء ..حلم طفولتك ..كنت تتمنى ان يتحقق..!
كنت اتمنى اكون دكتورهـ
وين مولود/هـ ؟
بالمستشفى هههههههههه
وانت/ي صغير/هـ كنت تحب تلعب مع الاولاد اكثر ولا مع البنات ؟
لا كنت العب مع البنآت ..
وش اسم اول صديق/هـ لك؟
امممممم ماكانت صديقه وحده بس كنا تقريبا 5 او 6 من ضمنهم نوره وليلى وعائشه ..~
كلمه اخيره تهديها لطفولتك..!!
[ تمنيت انك تكوني اسعد بس الله سبحانه وتعالي قدر انك تكوني كذا..]
العرض العادي
