ياصاحبي كانك تبي النصح والشور
ابعد عن اصحاب تبي لك مضره
خلك مع اللي بين هالناس مستور
كريم طبع وكل ضيف يمره
الطيب علم وعند مغليك مشهور
يجيه من علمك وطيبك يسره
الهرج خله ياصل الناس بالدور
وزن الكلام يجيب راس ويجره
اترك حسود وكل منطوقه الزور
يمكن يجيك وياصلك منه شره
ولاتتبع اللي دايم منك مقهور
تركه يغيض وياكثر مايحره
اللي تشوفه دايم يلف ويدور
ماله أمان وابتعد عنه مره
خل الشهامه دايم فيك دستور
من جود نفسك ودك انك تبره
بس انتبه لا يلحقك قول مغرور
ابن الكرم محد يجيه ويغره
هذي نصيحه قلتها لك ومجبور
ان كان ماتبغي الخلايق تشره
صباح الخير صموته لك وحشه يالدوبه
العرض المتطور
