والـضــو لا قـــزٍ ولا هـــي بـدافــور
الا الحطب لاحط من فوقها أسطار
والا جـروم الرمـث يابـس ومـجـرور
في ربعتـن تهيـا لمجلـس ومسيـار
فيهـا السوالـف والفناجيـل بـالـدور
لا قمـت منهـا ناصيـن ربعـت الجـار
القى ربوعن ما تخالف على الشور
وليا مشينا بادهـم الـروض وأزهـار
كنـك تقـول انـه مـن الــزرع مـبـذور
فـي جانبـه دجـنـا وجيـنـا بالاخـبـار
وقلنالهـم عشـبٍ ولا هــوب مـاثـور
مـن عقـب وبلـه مـا بعـد جـاه ديــار
إلا أم سالـم صوتهـا فـيـه مشـهـور
وشدًو له اللي ما يهابـون الأخطـار
وتـقـاطـرو ببيـوتـهـم كـنـهـا الـقــور
مـا حـب أنـا دارٍ والادنـيـن فــي دار
أبغي الجماعـة كلهـم دايـم حظـور
إن التفـت إيميـن والا عـلـى يـسـار
أشوفهـم والقلـب بالـربـع مـسـرور
عوامرٍ تسقـي العـداء كـدر الامـرار
ياشينهم فـي وقـت غـادر ومغـدور..
....
العرض المتطور
