..~{لو كنتـ لحآلكـ عآلبحر وشـو بتقولهـ ..؟!.. }~..

[عظيم م الشووق]

يابحر ..فيني من الحزن كثر مافيك..!!
من ..حزن..وأوجاع..وغياب..وغرايب..!!
لاتلومني إليا شفتني دايم أجيك..
ولاشفتني دايم على الشط سارح ..!!
حزني كبير..أكبر من حدود شاطيك ..
وأقسى من جروووووح الزمان العطايب..!!
وإن كان تنشدني ف أنا مقدر أخفيك ..
دايم أظن ويطلع الظن خايب..!!
في هالزمن أقرب حبايب يشقيك ..
إلين تدفع في غلاه الضرايب..!!
من بعد هذا يبتعد عنك ويجفيك..
ما كنه بجنبك قضى الوقت طايب..!!
وإلا الخوي إللى توقعت يفديك ..
يفديك عمره لا غدت بك نشايب ..!!
صد وتصدد مايبي سمع طاريك ..
وياما أنت دونه أتعبتك الطلايب ..!!
لا تقول لي بدري وتوك ويمديك ..
وتعال وأسمع باقي الهرج صايب ..!!
خلك بحالك وأطلب الرب يهديك ..
ولا تنشد اللى غاب وأين أنت غايب..!!
وأن شفتني غايب عن حدود شاطيك ..
أعرف تراني تحت ذيك النصايب..!!
وأعرف تراني دايم ؟إذا ضقت :بجيك"..
لاني أنا والموج صرنا حبايب..!!