َََترآنيم الأميرآت في مسآء صآخب بالألم ,. !َََ~

[عبيــــرالــــورد]

وبين حنآيآ منزلهم السآكن
وفي غرفة فرح بالتحديد .. /


ملآك : افففففففف ملل تصدقون ، خل نطلع الليله
فرح : وين بتروحين يعني ؟
شهد : اي صح مللل خل نطلع فرح تكفين خل نطلع
فرح : انتوا شفيكم ؟ وين بتروحون ؟ روحوا قولوا حق امي بتقولكم الساعه 9 وماعندها بنات برى البيت بهالوقت
ملاك : افففف مو حاله هذي ماعندها بنات برى البيت خل تطلعنا اهي
شهد : انزين بنقولها بنروح بيت صديقتج وبنطلع
فرح : مالي شغل بعدين تدري وتسوي لي انا سالفه
ملاك : لا لا فروحه تكفين خل نطلع والله ضايقه فيني الدنيا
فرح : ايه انتي بس حق الطلعه تكفين
شهد : اي مصلحجيه اختج
ملاك : انتي مالج شغل ولا تتدخلين احسن لج لا اكفخج
شهد : اي ماعليه صدقتج الي اكبر منج ما سووها انتي يا النتفه تسوينها ؟
فرح : اوكي تهاوشوا انا بنام واذا خلصتوا قعدوني
ملاك : افففففففففففففففف والله هذي مو عيشه الي نعيشها كل الناس تطلع كل الناس تروح وتجي واحنا بين زوايا هالبيت من حلاته بيت عاد
فرح : ويي اشفيه بيتنا ؟ اشحلاته كل من يتمنى يسكن فيه
ملاك: شفايده شحلاته وهو حتى لابتوب مافيه شنسوي فيه ؟
شهد : سكتوا بس لا اتعقد قبل وقتي و انتحر .!

[ كآنت تلك احدى المحآدثآت الروتينه التي تتكرر كل يوم على لسان كل وآحده منهن ]
بدأت الشخصيآت تتضح لنآ

__________________

[عبيــــرالــــورد]

وفي يوم آخر بـ أحدىآ الممرآت التي جمعتهم وهمّ صغآر وهآقد كبروآ بهآ ,,

فرح : أفف والله حاسه روحي مختنقه
شهد : خل نطلع
فرح : وانتوا ماعندكم الا خل نطلع ، من بطلعنا يعني ؟ من فاضي لنا اصلا ً أخوانج كل واحد لاهي بعمره
ملاك : انا صدقوني باخذ سيارة امي وباطلع فيها دعمت الطوفه كان بها ما دعمت باروح المطعم بتعشى
فرح : ايه سويها عشان صدقيني تموتين محروقه
شهد : مو محروقه الا بياخذونها و بدفنونها في البحر الي قريب من بيت خالتي وبياكلها المحار هع
ملاك : خفيفه يعني ؟
شهد : لا توني ماكله احس روحي ثقلت
ملاك : عدال على عمرج
فرح : تدرون قررت خلاص ، !
ملاك : شنو قررتي
فرح : بتصل في رزان بقولها تاخذ سيارة زوجها ونطلع
شهد : ان شاء الله عاد تقول تقدر
فرح : عطيني تلفوني شهد
شهد : اوكي , !

فرح : الووو
رزان : هلاا
فرح : وينج اليوم مابينتي ,!
رزان : شسوي سارة و رتاج ذابحيني ماتحملهم
فرح : وااي عليهم وحشوني مووت
رزان : مو قادره عليهم
فرح : انزين تعالي اليوم وخل نطلع معاهم نروح نتعشى برى
رزان : وين بتروحون بهالجو التافه
فرح : اففف عليج ماتشجعين
رزان : شسوي لج يعني وين تبون تروحون
فرح : اي مكان اهم شي نطلع من البيت
رزان : اوكي بشوف محمود اذا فاضي باخذ سيارته
فرح : اوكي ردي علي بنتظرج
رزان : اوكي , !


ملاك : اي عاد بصدق رزان
فرح : ليش؟
ملاك : جم مرة توعدنا بنطلع وبعدين تقول ماتقدر
شهد : اي بس تقدر حق خوات زوجها تطلع معاهم
فرح : اهي قالت بترد علي بعدين وبنشوف
ملاك : مابنعتمد عليها اتصلي في صديقتج ام العبل والليف
فرح : منهي؟
ملاك : في غيرها بعد ؟ جمانه
شهد : اي شوفيها
فرح : اخاف اتصل فيها ورزان تتصل تقول بتطلع معانا
شهد : صووت مسج فروحه
فرح : فتحيه شوفي من !
شهد : رزاان هذي
فرح : شكاتبه ؟
شهد : تقول ماتقدر زوجها بيطلع مع ربعه
ملاك : قلت لج عاد انا صدقتها الحين !
فرح : افففف والله ضيقة خلق
ملاك : اتصلي بـ جمانه
فرح : انتي كلميها مالي مزاج انا
ملاك : اوك , !


ملاك : الووو
جمانه : هلاا فرح رح
ملاك : لا انا اختها ملاك
جمانه : هلا ملاك
ملاك : شعندج اليوم ؟
جمانه : ماعندي شي
ملاك : تقدرين نطلع نتعشى برى !
جمانه : اي اوك ، بس متى عاد ؟
ملاك : الساعه 8 ونص
جمانه : خلاص صار جهزوا حالكم
ملاك : اوك باي
جمانه : باي


ملاك : يسسس منها فاايده هالجمانه
فرح : امم شنقول لأمي .؟
شهد : بنقولها بنروح خطوبة صديقتج
فرح : اوكي روحي قولي لها وتعالي
شهد : اوووك !

وفي زآوية اخرى من المنزل , /

شهد : يمه ، يمه
ام محمد : هاا شتبين ؟
شهد : بنروح اليوم عرس صديقة فرح انا وفرح وملاك
ام محمد : ومن بياخذكم ؟
شهد : صديقتها جمانه
ام محمد : انا والله هالجمانه مارتاح لها الف مرة قلت لكم لا تطلعون معاها ماتعجبني واخوانكم مايحبون تمشون معاها
شهد : اوهوووووو مو حاله هذي يعني مانروح مع جمانه من نروح وياه ؟ انتوا فاضين لنا ! خل فرح تاخذ ليسن وبنطلع وياها
ام محمد : انتي لسانج وايد طويل صاير
شهد : المهم احنا بنروح 8 ونص
ام محمد : مالي شغل فيكم


وتعود شهد لـ فرح وملاك , !

شهد : يالله خل نجهز روحنا
فرح : شهد متخرعه .! الساعه 6 الحين
ملاك : يحق لها تتخرع ااذا انا الحين بروح بلبس عباتي و بتكشخ
فرح : الله يعينكم , !

[عبيــــرالــــورد]

فرح : بنااات جهزتوا , !
شهد : ملاكو اختج من الساعه اربع ونص لبست عباتها والله عورت قلبي حسيتها من المتخرعين
ملاك : احترمي نفسج ولا تدخلين في شي مايعنيج
فرح : اذا بنطلع وبتتهاوشون تفشلونا خل نقعد بالبيت
ملاك : اختج ذي الهيلقيه
شهد : فروووح اكا جمآنه تتصل
ملاك : والله ان قالت مو يايه باذبحها يم باب بيتهم ولاحد بيمنعني
فرح : خل نعرف شتبي سكتي شوي

فرح : الوو
جمانه : يالله طلعوا انا عند الباب
فرح : اوك ، دقايق

فرح : شفتي دايما تظلمين الناس
ملاك : وجمانة بعد تعتبر ناس
فرح : ياربي منج ، يالله بس لا تأخرونا


وبينمآ هُم في أحدىآ المطاعم على طآولة مستقيمة الشكل . /
فرح : شبتاكلون بنات ؟
شهد : مدري , !


كآنت فرح معهم حتما ً ولكنهآ هُنآك بين زوآيآ الريآض تُفكر ,, يآترىآ نآيف تعشى . ! من يجلس معه الآن , ! ماذا يفعل , ! هل يفكر بي , ! يالله اشعر بأن الحُب في قلبي تضخم فقد عشقته أكثر وأكثر وأكثر ,,

جمانه : فروح وينج ؟
فرح : كاني معاكم
جمانه : الي ماخذ عقلج يتهى به , !
فرح : اشهالكلام بعد من ماخذ عقلي ؟ قاعده افكر بالاكل بس هع
جمانه : اوكي تفكرين بالاكل ، اكو جدامج أكلي
جمانه : وه وه لحقي شوفي الي داخل المطعم
شهد :اي واحد؟
جمانه : واااي جمال ماصار ، ستايل خطير ، شوفي طوله ، واااي منه قومي نغير الاماكن
ملاك : اي اماكن؟
جمانه : انا وانتي
ملاك : اقول استريحي مكانج وصيري ثقيله
جمانه : لا لا ماقدر اهو الي شفناه بالشارع صاحب الموستنج الاصفر


ملاك : فروح صديقتج مسخره على فكره
فرح : اششش شعليج منها انتي


جمانه : فرووح شوفيه . !
فرح : كلينآ يالله خل نمشي تأخرنا
جمانه : لا لا خل نقعد شوي
فرح : جمانه اخواني تلاقينهم الحين عند الباب ، يالله بسرعه وعن السخافه
جمانه : افففف ضيعتوا الفرصه عليّ


وبينمآ كان البنات يتجهّن نحو الباب ، كان الشاب يحذو بخطوآته أتجآههم ,,

الشاب / لو سمحتي , !
جمانه : نعم اخوي آمر ..
الشاب / لا ماقصدج انتي ..
جمانه وقد شعرت بالحقد اتجاه اي فتاه يقصدها ,,
ومن تقصد ؟
الشآب / البنت الي على يمينج
جمانه : فرح ., !!!
فرح : جمااانه خل نمشي مو ناقصين للسخافات احنا
جمانه : اي والله بياخة وعدم تربيه خل نمشي
الشاب / وربي قصدي شريف مو انا الي العب على بنات الناس ، بس عجبتني !
جمانه : ارتاح اقول البنيه ماتبيك ولاعجبتها يالله فارقنا

لآحظ الجميع بأّن مفاهيم جمانه تغيّرت عندمآ طلب الشآب ان يتعرف على [ فرح ]
فهل تلك ياترى غيرة أم مآذآ , !
--
اكمل الرواية قريباا

[عبيــــرالــــورد]

وعندمآ عآدوآ للمنزل ,, !

شهد : شفتون جمانه اليوم شسوت؟
ملاك : يبين عليها تغار من فرح
شهد : ايه ، احسها تفشلت
ملاك : ايه لانها وايد خفيفه
فرح : ههه
ملآك : انا بروح اقعد على جهآز محمد ،
فرح : وانا بشوف جهاز جاسم
شهد : وانا شسوي انشاء الله / الصراحه ظلم اشمعنى جاسم ومحمد عندهم واحنا لا ؟ يعني البنات شأحسن منّآ فيه ؟
فرح : تفكير منطقي بس ماعرف الجواب

كآنت ملآك من مدمنآت الـ [ جآت ] غرف المحآدثه الكتآبيه ،
كآن لهآ اسم مستعار معروف ..
فـ أكثر من في الجات يعرفهآ وحين تدخل يقوم الجمييع بتحيّتهآ , !

وبينمآ هي تتكلم مع الجميع فأجأها شخص بالخآص يتحدث بـ لغه أعجزتها عن الرد , !

فارس الفرسان : هلا يا [ باع الدنيا وشراني ]
باع الدنيآ وشرآني [ ملاك ] .. / نعم ؟ خير ؟
فارس الفرسآن : انا على فكرة اعرف كل شي عنج يا ملاك
باع الدنيا وشراني : من ملاك ؟ اشفيك انت شكلك مضيّع
فارس الفرسان : اوكي صبري على يومين ورقمج بيوصلني بعدها قولي ماراح اكون مضيع , !
باع الدنيا وشراني : سمعت يقولون دايما اللسان الطويل دليل على اليد القصيره ، يعني الكلب الي صوته رفيع ما يعض ،، يالله فارقني ,,

كآنت ملاك في قرارة نفسها تشعر بالرعب الكبير ولكّنهآ كآنت تكابر بشكل أكبر , !
كانت تقول : ياترى ماذا افعل . ؟
هل اخبر فرح ؟ لا لا ، سوف تلومني كثيرا ً فـ هيّ تمنعني كثيرا ً من دخول الجات ولكن ماذا افعل , !



وفي الغرفه المجآورة لهآ كانت فرح غارقه في عالم ليلىآ وبثينه ..
فرح : نايف والله احس ماقدر اتحمل كل هالحب
نايف : ياعيون نايف انتي ، طيب انا احساسي اتجاهك اكبر
فرح : لا مو اكبر ، انا اموت فيك
نايف : يافديتك انتي ، انا بعشق التراب الي تدوسه رجلك
فرح : امك صارت احسن ؟
نايف : ايه بفضل دعواتك
فرح : نيوف انا بقوم الحين ، اخوي رجع البيت
نايف : اففففففف منك يا فرح حتى نص ساعه ماكلمتك وتقولي لي بسهر معك . !
فرح : مو بيدي شسوي
نايف : انا باخذ لك لاب توب خاص لك
فرح : لا لا لا مستحيل
نايف : انا حبيبك ، لا تقولي مستحيل
فرح : ابوي يقدر ياخذ لي بس مو مقتنع بالفكره ذاتها
نايف: طيب رقم تلفونك ، وربي حرام عليك الي تسويه فيني
فرح : لا يانايف مو وقته خل اقوم وباجر بكلمك
نايف : طيب طيب ,,
فرح : باي
نايف : باي

[عبيــــرالــــورد]

وعآدت جمآنه لمنزلهآ
وأختلت بـ ذآتهآ
كآنت في خلسة مع نفسهآ تُفكر .. /

أفففف منج يافرح
دايما ً تاخذين الضوء مني
احس روحي كرهتج اف منج
والله لو القي صديقه غيرج صادقتها
كلما افكر بشخص تجي بالساهل وتاخذه وعامله روحها بريئة هالخبيثه هذي ,, !
بس انا الشره عليّ اطلع معاها ومع خواتها ياربي منهم بس


اما ملآك فـ كآنت رغم عدم إكترآثهآ بالموضوع [ خآئفه ] بعض الشيء . !
لآ تعرف من أين تمكن من معرفة أسمهآ
ولمآذآ وآثق لهذه الدرجه بأنّه يتمكن من الحصول على رقمها , !
أغلقت جهآز [ محمد ] وذهب إلى غرفتهآ المشتركه مع شهد
وكآنت فرح تشآركهم الغرفه رغم إمتلآكهآ غرفه خآصه بهآ
إلآ وأنهآ تشعر بـ رغبة كبيرة في النوم معهن , ,
فـ قبل النوم تدور أحآديث مطوّله عن جميع الأشخآص التي تعرفهن ملاك وشهد
وتقوم فرح بإبدآء رأيهآ
حتى يدآهم التعب أجسآدهن
فـ ينآمون ,, !

لآآ عندمآ يغمضّن أعيّنهم ليس بالمعنىآ الصحيح قد نآموآ
فـ كُل وآحده منهن سآفرت خيالا ً إلى عآلم منفرد بهآ لا يعرف الطريق له ُ أحد ,, !

كآنت فرح تحلم بـ نآيف وماذا سيحصل معهم الايام القآدمه
إنهآ السنة الثالثه ونآيف لايعرف شيء عن فرح سوىآ اسمها وهيّ متيّقنه حد الثقه بأّنه يعشقهآ
كآنت تفكر كيف يآترى تفآتح أخوآتها بالموضوع وهل سيتقبلن ذلك عندمآ يدركّن إنهآ سترحل بعيدا ً عنهن حين تتزوج . !
وقبل أن يتقبلن هُنّ ذلك مآهو رأي أسرتهآ التي كآنت مُدركه بـ تعصبهم الشديد أتجآه هذه الموآضيع ،،

أمآ ملاك فقد كانت تفكر بالدردشة الكتآبيه وبعض الشخصيات اللآتي أقتحمّن خيآلهآ فـ هي تفكر يآترى [ مجنون عيونهآ ] كيف ملامحه . !
وهل هوّ صآدق بـ حكآيته عن أسرته وعالمه
وفارس الفرسان من يكون . ؟ وماذا يعرف مني وماذا سيحدث في الايام القادمه

وشهد كآنت تفكر كيف تقنع والدتها مجددا ً في الذهاب للصآلون النسآئي وقص شعرهآ فـ المدرسة أوشكت أن تفتح تريد أن يكون لها ستايل منفرد يجعل صديقآتهآ يندهشّن من شعرهآ المشذب الرآقي ، فهيّ تميل للستايل الشبابي اكثر ,,

وفي منزل بعيد بعض الشيء عن منزلهن

كآنت هنآك رزآن مع رتآج و سارة ومحمود في شقتهم المتواضعه التي كآنت في الطآبق الأعلى من أسرة زوجهآ ..
كآن محمود نآئم وسآرة نآئمه بـ قربه
بينمآ رتآج تبكي ورزآن مُتعبه
كآنت تفكر في قرآرة نفسهآ .. /
اففف ياربي شلي بلاني وخلاني اتزوج لو أنا بنت الحين وعايشه حياتي مثل خواتي لا عيال ولا همّ توني صغيره على مسئولية بنات ثنتين بس شسوي ياربي ، زوج بااارد ما يتعاطف معاي ابد .. ! ياربييي بس شلون اخليه يفهمني ويساعدني على الاقل لو دقايق ياخذ بنته وانام انا ,,

[عبيــــرالــــورد]

أمآ [ أم محمد ] فقد وضعت رأسهآ على الوسآده دون أن تغمض عيّن . !
كآنت تفكر في أشيآء تفوق طآقآتهآ وتقول في قرآرآت نفسهآ .. /

يآربي شسوي بس همّ هالعيآل كله على راسي ، الابو منشغل بـ تجآرته وأنآ مقدر أدآريهم كلهم ، همومهم كبرتني خذتني اربعين سنه جدام ولآ أدري بس هالبنات شيسوون من ورآي من يكلمون وين يروحون وهالعيآل اللي مدوخيني معاهم ، وجاسم يارب تهديه والله أنّي خآيفه عليه واحاتيه من عيال ابليس ، ورزآن اللي حتى وهي في بيت زوجهآ وأنآ احاتيها احسهآ توها صغيره على العيال
وفرح الي مادري شمسويه في دراستهآ و صديقتها هذي الي مارتاح لها جمانه احسها بنت ماتخاف الله ، استغفر الله بس ، وملاك الي طالعه لها طلعه ولسان و 24 ساعه على جهاز اخوها مدري من تكلم ولا شهد الي ماخذه شكل اخوانها في اللبس والشعر و الكلام ,, وه ياربي بس احاتي من واخلي من / ومحمد الي من سافر صار لي 6 شهور ماشفته , والبيت كله على راسي والابو مايدري عن هوى داره ,, يارب بس قويني على تربية عيالي احسن تربيه ,, يالله

__________________

[عبيــــرالــــورد]

وفي صبآح اليوم التآلي ,,

فرح : اففف ملووك تلفونج يرن
شهد : يااااربي مانعرف ننام سويه سايلنت
فرح : من متصل هالوقت ؟
ملاك : اففف شفيكم
شهد : تلفونج شيليه عور راسنا ولا ترى بقطه من الدريشه
ملاك : سويها وبكفخج ، هذاا رقم غريب
فرح : شوفي من ، الساعه 7 الصبح من متصل هالوقت

ملاك : الوو
.. / معاي ملاك؟
ملاك : من ؟
.. / انتي ملاك ؟
ملاك : ايه ، من ؟
.. / بتعرفين في وقت ثاني ، باي
ملاك : الوو ، الووو

فرح : من هذا ؟
ملاك : مادري يقول لي انتي ملاك اقوله اي يقول بتعرفين من انا بوقت ثاني ,,!
فرح : ملاكوو انتي عاطيه وحده من بنات الجات رقمج ؟
ملاك : لا والله
شهد : مبين عليها جذابه
ملاك : باسطرج الحين
فرح : عطيني رقمه انا بأدبه
ملاك : اخذي التلفون شوفي
فرح : بس سجلته عندي ، انا براويه قاعد يلعب مع منو

و عادت شهد للنوم في حين ملاك وفرح لازآلآ يفكرون بأشيآء كبيرة ,,
كبيرة حتما ً

فرح .. / والله انا خايفه على ملاك اختي ، احس هالشخص يعرفها عدل ، دام عرف اسمها اكيد من الجات الي تدخله / منعتها وقلت لها شنو نتائج هالجات بس ماسمعت كلامي
اما ملاك فـ كآنت تفكر في .. / مادري من هذا ؟ وشيبغي مني ؟ ولوين بيوصل معاي !

وصمت المكآن ,,
صمتت الزوآيآ ,,
وذهبوآ جميعهم في نوم عميق , !

[عبيــــرالــــورد]

كآنت فرح ترمق الهآتف بـ رّعب ، فـ نبضآتهآ تتضخم ، تسرُع ، تتهوّر .. كآدت تشعُر بأّن جميع المتوآجدين يعلموُن بّأمرهآ فـ يرمقونهآ بنظرآت ترعبهآ ., !
وبينمآ كآنت فرح بـ عآلمهآ الذي يمتزج بألحآن بيتهوفن الخآلده ,,

شهد : فروووووووووووووح !
فرح : بسم الله ، وجع اشفيج تناديني جذي
شهد : قررت خلاص
فرح : شقررتي؟
شهد : قررت اروح اقص شعري
فرح : وين ؟
شهد : هني بالصالون الي بالمجمع فوق . !
فرح : وامي ؟ شبتقولين لها؟
شهد : مابقولها شي من نروح البيت بحط على شعري قبعه هع
فرح : صدقيني بتسوين لج سالفه
شهد : لا تحاااولين تغيرين قراري بقصه خلااص
فرح : كيفج والله
شهد : ايه المدرسه بعد يومين راح ندخل وانا ابغي ستايل جديد ، يحطم الجميع !
فرح : الله يعين قلبج ,
شهد : قررت أسوي ستايل خطييييييييييير
فرح : شنو يعني؟
شهد : قررت اقص شعري مثل حبيبة قلبي هيآآآآآآآآآآآ عبدالسلام

ملاك : ههههههههههههه والله ضحكتيني
شهد : من الحره
ملاك : ايه هين من الحره ، شعليه احتر
شهد : لانه شعري احلى من شعرج
ملاك : ويي عشتواا ، انتي تطنزين على شعري .؟
فرح : سكتواااا فضحتونااا ، الناس تطالعكم
فرح : وين رزان ؟
شهد : مع رتاج تشوف لها فساتين
فرح : امم بروح اشوفها
شهد : لا لا انا قلت لها بتروحين معاي الصالون

وتوقف قلب فرح [هذآ صوت مسج ] اكيد من عنده ! هذا نايف ، يمه شسوي ؟ وين اروح
كانت تلك الكلمآت تفترس فرح بـ شرآسه
أفتحه ؟ اخاف !
احس الناس تقرا معاي كلماته !

ملاك : فرووح ، هذا اهو ؟
شهد : منهو؟
فرح : ها ؟ مادري شهد يالله نروح الصالون
ملاك : اشفيج فتحييييه خل نقرا
فرح : لا لا اخاف ، يالله شهد بروح وياج الصالون

وهُنآك كآنت شهد مُستعده لـ تغيير شعرهآ , جلست فرح بـ كرسي ّ مُبتعد بعض الشيء عنهآ ,,
خلاص بفتحه و امري لله !
احس يدي ماتساعدني
اصابعي ترتجف ليش ؟

و فتحت فرح رسالة نآيف ,, كآنت تلك رسآلته الأولى , /

في ذمتي أحلىآ حروف
أحلىآ بشر بين الألوف
يجي ينآدي نبضتي
يجي يتحرىآ كلمتي
وأقعد أنآدي يآ بشر
هذا قمر , !
هذا أبد مآ شفت أنآ مثله أحد ,
هذآ حكآية فرحتي
هذآ سبآيب ضحكتي
هذي فرح , !
هذي سعآدة دنيتي
هذي الامل هذي الفرح , !

آآآآآآآآآآآآآآآآآآآآه يآ نآآآيف شسويت بحآلي , !
احس نفسي انسانه ما اعرفها
سعاده تختلف . !
احساس غريب
شسوي بس

فرح : ملاك شوووفي
ملاك : شنهو
فرح : شوفي نايف شكتب لي
ملاك : يه يه شاعر بعد
فرح : قلبي بيوقف
ملاك : امبيييه هذا كتب لج شعر وقلبج بيوقف لو يتصل فيج شبتسوين ؟

[عبيــــرالــــورد]

فرح : لا لا مستحيل ماقدر
ملاك : وييييييييييي لحقي على اختج
فرح : امبيييه وين شعرج ؟
شهد : نيووو ستآيل

ملاك : ونااسه اليوم امي بتذبحج هع
شهد : شعليه تذبحني ، شعري وكيفي فيه
ملاك : ههههههههههههههههههههههه
فرح : اشفيج تضحكين؟
ملاك : اضحك على روحنا يعني سارقين فلوس من عند امي والي تقص شعرها والي تتسوق والي بكوفي شوب تشرب ولحد يدري من وين هالفلوس هع
فرح : شنسوي دنيآ أجبرتنآ !
ملاك : صدقتي ياا صاحبة حمدان
فرح : شنو يعني؟
ملاك : يه يه نسيتي اختي ؟ حمدان قصدي نايف نايف
فرح : تطنزين ؟
ملاك : لا لا اختي بس حلو يكتب يعني اسلوبه حلو
فرح : قرررت اليوم اتصل فيه واعطيه رقم امي و تنتهي السالفه
ملاك : اشهالجرأه اختي ؟
فرح : تعبت لأني . !
شهد : والحين انا شسوي؟
فرح : شنو؟
شهد : البس عباتي ولا اطلع جذي ؟
فرح : متخرعه انتي ؟
شهد : اييييه متخرعه

[عبيــــرالــــورد]

تجي رزآن مع رتآج وتتأمل المنطر , !

رزآن : من هذي؟
ملاك : هذي اختج هع
رزآن : امبييييه شسويتي . !
شهد : اشفيكم ؟ عاجبني خلاص مالكم شغل
رزآن : والله كيفج احنا مالنا شغل بعدين لا تقولين احنا رحنا معاج الصالون
شهد : اوكي مب قايله
رزآن : خلصتوا؟
فرح : ايه
رزآن : وين سوير؟
فرح : تلون أظافرها هههههه
رزآن : خربتوا بنتي
فرح : خل تستانس
سارة : ماما شووفي حلو؟
رزان : يهبل ماما / يالله حبيبتي
رزآن : يالله نمشي
فرح : اوك , !


/

رزآن : يالله انا بمشي
فرح : مابتنزلين ؟
رزآن : محمود يبي السياره
فرح : اوكي !

فرح : سمعي انتي ، مو تراوين امي شعرج الحين ، صبري بكلمها بموضوع
شهد : اوكيشن


وتدخل فرح غرفتها .. يكون الهآتف في احدى يديهآ بينما اليد الآخرى على قلبهآ تستمع الى نبضآته الغريبه
بتصل بس شقول ؟ ياترى شلون صوته ؟
يمه بس !
شسوي ؟

فرح : ........
نايف : الو .. ؟
فرح : الو
نايف : هلا هلا هلا هلا هلا هلا
فرح وقد اوشكت ان تقع : هلا
نايف : هلا بك وبهالصوت وبهالطله وبهالنبره
فرح : بك اهلا
نايف : واخيرا ً ،، سنين تمر واليوم اسمع صوتك لا مو مصدق
فرح : ههه
نايف : فديتها هالضحكه
فرح : نايف انا متصله اعطيك رقم امي
نايف : لحظه لحظه ,, خلني اكمل كلامي ،
فرح : اسفه ,, كمل
نايف : لا تقولي اسفه انتي ما تتأسفي , ! توقعت صوتك حلو مليون بس صدقيني ماتوقعتك كذاا خيال
فرح : ههه
نايف : وربي شي مو طبيعي
فرح : انت بعد صوتك حلو
نايف : هذا مو صوتي ، هذا قلبي يتكلم !

فرح : نايف بعطيك رقم امي ,
نايف : طيب ان شاء الله الليلة بعد العشا الوالده تتصل فيكم
فرح : بس امانه تقولها انكم من طرف اختك
نايف : لاتوصي قلبي انا مرتب كل شي
فرح : نايف انت ماشفتني يمكن بعد ماتشوفني تغير رايك
نايف : وربي والي خلق هالسبع السموات لو تكوني ما تكوني ماغير رايي انتي باكر يا فرح , ! انتي حياتي الجايه
فرح : .................. هذا رقم امي
نايف : صار يالغلا
فرح : مع السلامه
نايف : عسى ربي يحفظك من كل شر , !


اغلقت فرح الهاتف و القت بجسدها على كرسي يقع في اخر الزآويه
يآ رب ,!
احس روحي ضايعه
اول مرة اكلم واحد بالتلفون
شي يخرع , قلبي بيوقف .. ! احس روحي بمرض
مادري يمكن اسلوبه شوي خوفني
ليش يكملني بهالنبرة
حسيته بالغ بمدحه وكلام الغزل
اكلم امي ؟ ولا لا؟

خلاص بكلمهآ , !




وفي الصاله تجلس ام محمد .!

فرح : يمه ابي اكلمج
ام محمد : تعالي .!
فرح : امم يمه بقولج شي
ام محمد : شفيج ؟
فرح : امم من سنتين ثلاث كنت اكلم وحده من الرياض على ايميلي
ام محمد : انزين ؟
فرح : وصديقتي حيل حيل و يعني اتصلت فيني جم مرة و الحين قالت لي اخوها يبي يخطب ورشحتني له !
ام محمد : وييي مو صاحيه هالبنيه ؟ شلون ترشحج لأخوها وهي ماتعرفج من بنته وشنو اصلج شنو نسبج ؟
فرح : اقولج يمه صديقتي من زمااان
ام محمد : انزين وانتي شقلتي لهم ؟
فرح : عطيتهم رقمج !
ام محمد : انتي مينونه ولا صار بعقلج شي ؟ لا لا اكيد مو صاحيه
فرح : ليش يمه ؟
ام محمد : من الرياااض يالمينونه و انتي بديرة ثانيه
فرح : يمه احنا الخليج نعتبر ديرة وحده وكلنا قريبين لبعض
ام محمد : هذا الكلام تقولينه لأبوج واخوانج عشان يذبحونج
فرح : يممه حرام شنو يعني هذي حياتي انا
ام محمد : ولا كلمه اسمع وانا اذا اتصلوا بقولهم هالكلام واكثر منه وانتي من اليوم وهو رايح مافي قعده على الكمبيوتر
فرح : هذي حياه بذمتكم ؟ وتقولون لنا ليش ما تتكلمون مع اهلكم اذا اهلنا مايسمعونا ولا يفهمونا ليش مانروح برى ندور احد يسمعنا
ام محمد : وجع ياخذج يلي ما تستحين تروحين برى تخلين احد يسمعج ؟ لكن انا اليوم بقول لأخوج اخليه يربيج
فرح : تقولين لأخوي ؟ اخوي خل يربي روحه بالاول ، وثاني شي انا كبيرة ماني ياهل اعرف اقرر بنفسي
ام محمد : ماعليه يا جليلة الحياا براويج
فرح : افففففففففففففف الله ياخذني وافتك منكم
ام محمد : انشاء الله ياخذج وانا ارتاح منج ومن مشاكلج الي عمري ماحسيتج بنت سنعه مثل بنات الناس كل يوم ولج سالفه
فرح : يمه تتكلم من قلبج ؟ انا كل يوم اسوي لكم مشاكل ؟ يمه من قلبج تدعين علي ؟
ام محمد : ايييه شوفي بنات خالتج المتربيات الي كل وحده لما تشوفينها تقولين هذي بنت اوادم مو انتي

فرح وقد اختنقت حروفها في حنجرتهآ صمتت ولكن ام محمد لازالت تتكلم وتتكلم حتى شعرت فرح بأنها لم تشعر بقدميّهآ فـ ذهبت تركض إلى غرفتهآ وهنآك فقط أصبح كلام ام محمد يتكرر مرة واثنين وخمسه وعشره
وفرح تصرخ كفى كفى ولكن الكلمات لم تكتفي , !
فرح تحدث جدرآنهآ بـ دموع حآرقه / من زمان ادري امي ماتحبني دايما ً تفرق بيني وبين رزان واقول تبقى امي وتخاف علي يمكن تفضل رزان بس تحبني بس الايام تجبرني اقول لا لا ماتحبني دايما ً تقط علي كلام يذبح يجرح ماقدر انساه !
شسوي ؟
اذا امي تقول عني جذي من ياترى بكون حنون علي ّ من بيسمعني من ؟

كانت ملاك وشهد يقفون خلف الباب يستمعون بـ صمت خآنق ودموعهم أختقنت في محآجرهآ

ملاك : شوفي مسكينه فرح تحس حلمها يموت جدام عينها
شهد : امي قاسيه قاااااااااسيه ماتحبنا
ملاك : مسكينه فرح والله قلبي يتقطع عليها شسوي . !
شهد : خل نروح لأمي نكلمها


كانت ام محمد لا زالت جالسه حتى وقفت عندمآ تفاجأت بـ شعر شهد

ام محمد : الحين بس عرفت انّي ماعرفت اربيكم
شهد : ليش يعني شسوينا احنا؟
ملاك : روحوا برى شوفوا البنات شنو يسوون من ورى اهاليهم ، احان شسوينا يعني ؟ كل الي سويناه نبغي نحس بوجودنا بهالبيت كل شي محرومين منه ، كل شي
جاسم ولدج تعرفون شيسوي من وراكم و تطنشون و تقولون طايش بيكبر وبيعقل واحنا ؟ احنا بعد مراهقات من حقنا نعيش حياتنا نقدر نميز بين الصح والغلط نقدر ، عمرنا ما غلطنا من وراكم ولا سوينا شي غلط ، بس اذا انتوا تعاملونا جذي قاعدين تجبرونا على الغلط
ام محمد : سكتي ربي ياخذج من عندي احنا نجبركم على الغلط ياعديمة التربيه انتي لو فيج خير مارفعتي صوتج على امج
شهد : يمه حرام عليج انتي عارفه شنو قلتي لفرح انتي دايما تقارنينها في بنات خالتي ، انتي كل مرة تجرحينها بدون ماتحسين ، تقارنينها فيهم بدراستهم وشهادتهم وشكلهم ، شفيها فرح عشان تسوين لها جذي ؟ كل الي قالته واحد بيخطبها ؟ شصار يعني شصاار؟
ام محمد : انتي عاد مابيج تكلميني دامج طلعتي من شوري ، ادري فيج بتتبعين اختج الحين
شهد : اتبعها في شنو ؟ شفيها اختي يعني ؟ شمسويه
ام محمد : انا اعرف شتسوون من وراي وادري هالصبي اهي تعرفه ماني غبيه عن سوالفكم
</B></I>

__________________