أحداث مدينة جده بعد الامطار الغزيرة (( .. صور.. ))

[عذوب]

/\


الحمدالله على كل حال


انا من جدهـ ومن جنوبها كمان


والله مافي اي وصف ممكن ينوصف للحاله الي صارت


الصور الي تعرض والمشاهد والبيانات التلفازيه والاخبار بالصحف هذا كلو غيض من فيض

الحقيقه اخفوها


الجثث اتعدت100 بكثير

غير المفقوودين اطفال الى الان مو عارفين هم احياء ولا اموات

بالذات في قويزهــ

حتى الهيلوكبترات ماقدرت تنقذ الكثير

رجال الدفاع المدني انفسهم غرقوا

كبري الخط االسريع قفلوه بعد ماطاح جزء منه

ماوالت الجثث حت الان بعضها داخل السيارات المتراكبه فوق بعض

اغلبية السيارات جرفها السيل من عند باب البيت وهي واقفه


في السيل اي شي يخطر في بالك موجود في البيت تلاقيه في السيل

قدور المطبخ

التلاجات بكبرها تسبح في السيل

ذبايح الاضحيه اغراض المطبخ

حتى الملابس الداخليه والاجهزه الالكترونيه

اخر ماشاهدته في قويزه

الهنوود ياعيني ياعيني قاعدين يخفشون التلاجات الي في السيل عاد فرصتهم مصائب قوما عند قوم فوائدُ

اغلب الي انقذوهم الدفاع المدني مالقيو غير قصور الافراح يجلسوهم فيه

لو جينا نسأل ليش قويزه اكثر من غيرها

لان اغلبية المخططات الموجوده هناك واولها مخطط الرايه

هذي اصلا (أوديـــــــــه) وبنو فيها بيوت


حتى باصات الحجيج الي كانت ماشيه يوم الترويه ماسلمت

الكثير كانو ناويين الحج والي صار منعهم


مليارات الرياالات نسمعها كل سنه في الميزانية؟


ايش سوت المليارات هذي في مشاريع تصريف المياه في جده؟

دول فقيره جدا الامطار تتساقط عليهم كل يوم ماتلقى قطرة مويا في المدينه والسبب

عندهم تصريف للمويا


واحنا هنا دوله غنيه بالبترول والدوله بتصرف مليارات

واخرتها كذا

تغرق جده في شبر مويه

اي انقاذ للمتضررين الي اعلنو عنه؟

والله كنوز الدنيا كلها ماراح تعوض ام عن فقدها لبنتها وولدها

ابناء والله يغرقوا قدام عيون اباءهم


في ابرق الرغامه شوهد اب يقذف ابنه الرضيع للمنقذين في اخر لحظه قبل لا تنقلب السياره ويروح فيها هو وزوجته


شاب وامه واخواته طلعهم فوق التندهـ عشان ينقذهم بعد ماالسياره اتشربت مويا

اخرتها يجي السيل من الخط السريع ويقلب السياره راسا على عقب

اابنتهم الشابه اختفت الين امس اول ايام العيد دقو اهل خير
عندكم بنت اسمها بشرى؟ ترى انقذناها وعندنا




اي انقاذ بالله للمتضررين


والله لو يتكلموا ومايسكتو مااتوقع راح يفيد

والاكيد ان الموضوع حياخذ فتره في القيل والقال والوعود الكذابه

واخرتها حينتهي وكأن شي لم يكن

الين متى؟.......... الين الشتاء السنه الجايه لمن تصير كارثه كمان زي كذا

حينعاد نفس المواااااااال

حتى بحيرة المسك واسم مسك حرام فيها
مهدده بالأا نفجار بعد المطر


ومن جرف لدحديره وياجده لا تحزنــــــــــــــــي


الله يرحم من مات ويصبر اهاليهم على فقدهم

ويطمنا على المفقووودين

افتحو اليوتيوب وشوفو امطار جده

وهذا احد الروابط الي تبين حجم الكارثه وماخفي اعظم