سوي كنك مادريت وحبني..!!
وسوها ثاني على انك تعتذر
وقول اسف مانتبهت وضمني
والعذر مقبول ولك مني شكر
وكرر الغلطه معاي وخلني
انتظر عذرك بكل فارغ الصبر
جيبني ثم ودني ثم جيبني
من حدود الشمس لحدود القمر
وين ماتبغى فديتك ودني
خادمك ياسيدي تحت الامر
هد حيلي بالغرام وهدني
والله اني ناذر لحبك نذر
تكفى بعثرني شظايا ولمني
في كفوفك يابعد كل البشر
وراح اسوي كني دخت وضمني
وراح اقولك امزح واحبك واعتذر
العرض الشجري
