يابوي ليتك حي وتشوف حــــــــــالي
تشوف وش هو صار من بعد فرقاك
’،’،’،’،
صار الوطن بعدك من الناس خالي
صار الوطن غربه بعد مافقدنــــاك
’،’،’،’،
حدتني الدنيا وانا راس مـــــــــالي
اني عزيز النفس مثلك وشروراك
’،’،’،’،
مافيه شي في حياتي صفــــــــالي
حتى الورورد ان جبتها صارت اشواك
’،’،’،’،
أطيح واحمولي عليَه إثقــــــــالي
واتخيلك مديت لي كف يمنـــــــاك
’،’،’،’،
بعدك ولامره ترى ارتاح بــــــالي
اصفق على كفي ندم واتحـــــراك
’،’،’،’،
من ضيقتي ياكم اصدق خيـــالي
واقوم ادور عنك واقول ب القاك
’،’،’،’،
اضيع بالعالم وهمي ســـــــؤالي
هو انت؟وينك؟ليه ماعاد شفناك
’،’،’،’،
أدري لو انك حي ياعزغــــالي
يمديك تفزع قبل ماجيك وانخاك
’،’،’،’،
ويلاه، ياحالي وماهو جـــرالي
ويلاه، ياقلب تعذب في طرياك
’،’،’،’،
ويلاه، يابويه من اول وتـــالي
لاوالله اول كان ينجيني ادعاك
’،’،’،’،
واليوم من بعدك وش اللي بقالي
غير اني ادعي ربي يغفر خطاياك
’،’،’،’،
يالله حطه وسط منزال عـــــــــالي
في جنة الفردوس يارب الافـــــلاك
’،’،’،’،
واغفر ذنوبه ياعزيز الجــــــــلالي
وشرح لي صدر ضاق من جور دنياك
العرض الشجري
