حـــــــــــــاكمني
اطلق سراح الرضى وانعم بلذاته..مافي الزعل خير لاتزعل وتزعلني
الحب لاتشتقي وتعد غلطاته..اذكر جميل الغلا واقنع وكلمني
القلب لك بالغلا خضرنٍ مساحاته..ترعى النوامي وانا بالبال تشغلني
راعي الهوى مايدور غير مشهاته..اعدل معك بالمحبه وانت تظلمني
ماهو بقلبي معك يلعب برغباته..ماكنه اليوم من روحي ولا مني
لاتاخذ الهاجس الخايف بنياته..حاول تخالف شكوك النفس وافهمني
لاتحرق القلب يالغالي بحسراته..ان كان يرضيك زود الشوق فـ مهلني
حبي خفايا الحراير من معاناته..ياليتك بـ هم حبي لك تقاسمني
لو يدرك اللي يبيه الحي مافاته..لقيتك بحبي الاول تعللني
وان كان شككت في قلبي وغاياته..عندك قضاة الهوى والحب حاكمني,,,
:::
العتب ماهو زعل .؟!!
العتب ماهو زعل لو يضايقك كثر انفعالي
وانت لو أزعل على البشر ما أزعل عليك
بس لاطال الغياب وضاقت صدور الليالي
سقت لك ماجا على البال وتحمل مايجيك
يوم شفت الكون في غيابك شبه خااالي
صحت في وجه الزمن وقلت فيك وقلت فيك
ضاقت وساع الفجوج بعيني وزاد انشغالي
وين رحت؟وليه رحت؟والى متى وانا احتريك
كنت ادور في عيون الناس إجابات لسؤالي
يمكن اعرف وين رحت؟وليه رحت وكيف أجيك
كنت اقول لكل شارع ماوطتك أقدام غااالي؟؟
من كثر ماكنت ابي قربك وابي دربك وابيييك
كنت عنك أسأل نسيم الصباح لامر متعالي
ماحمل يمي على دربه جواب من يديك
وأمتلا صدري عتب وانت السبب في ماجرالي
ومن بعد هول التعب جيت اشكيلك واشتكيك
تدري انك كل حبي وان غيرك ماطرااااااالي
وانك بقلبي لحااااالك وان مااااالك به شريك
وان قلبي لو تفجر بالعتب وقت انفعاااالي
زاعل منك وغياااااااابك مايزعلني عليييك
العرض الشجري
