تبي الحقيقة
للشمس نور وللقمر باقي النور
وأنتي بعيني مصدر النور كله
حبك حقيقة واقع فيه مجبور
وطلتك عندي فايقة كل طله
يابو العيون السود صاحبك مسحور
من رمش عينك صابته كم عله
فيك الأمل ياشوق والزين منثور
وفيك الجمال اللي انوضع في محله
في همستك في بسمتك وصف بلور
وفي نظرتك كل العذارى تذله
يامالكتني بكل مابي من شعور
لك خفوقي هاجسٍ ما أمله
تبي الحقيقة صرت أنا فيك مغرور
ومن شاف مثلي غصب عينك تذله