كفي دموعك راحلـن مابهـا لـوم
ما عاد لي في درب الاحلام خاطـر
هذا القدر بين المخاليـق مقسـوم
نرضا بحكمه لو خذتنـا المشاعـر
اقولها ولاني علـى البعـد مليـوم
ابجبر الخطوة وترى القلـب صابـر
تمضي بنا الايام ضحكات وهمـوم
والعمر يمضي بين تذكـر وخابـر
لولا الامل مابيـن الايـام مرسـوم
كان البكاء يضني حبـال الحناجـر
ياضحكة الماضي ويادمعـة اليـوم
الله عليم(ن) كيف الاحـوال باكـر
نصيح ! نضحك ! ننحرم لذة النوم !
ننـام! والا جفنـنـا دوم سـاهـر
رحلة طويلة ! حاملة همهـا كـوم
ونغيب لاصـرنـا بوسـط المقابـر
رحله بها الانسان مأمـور محكـوم
ولحظات مرت كنها طيـف عابـر
العرض الشجري
