يا حروفي أنثري دموع القصايد
داوي جروحي وجففي دم نزيف
أشرحي حزني بالأبيات الفرايد
قلبي من كثر الألم أصبح رهيف
في حياة الحب تلزمنا عقايد
لو نخليها صار الحب مخيف
الرخاء في العشق مثله الشدايد
والحلا في الحب الحب العفيف
لو تصير أيامنا نار و وقايد
ولو تحول عصرنا لعصر سخيف
يبقى لأهل الحب ريش بالوسايد
يخلي قاسي القلب شفقان ضعيف
إليا عشقنا عشقنا عشق زايد
وإذا كرهنا نداوي الكره بالسيف
ياطالبين القرب أبشروا بالوكايد
البحر بحر في شتاء وإلا خريف
أبشروا بالستر وضد للحسايد
وأبشروا بقلب بالمحبه خفيف
وياعواذل علقوا أسوار وقلايد
وخلو لحوم الأوادم وأكلوا رغيف
العرض الشجري
