من يلومك يالسـحابه لاتلعثـمتي بكمه
ومن يلومك ياظلام اللـيل لانمت بجديله
ومن يلوم التاج لامن حول وحطــك معمه
وانت ثامن في وصوفك سبعة اشيا مستحيله
قبل ترحل سم طيشك كيف ماتبغاه ســمه
بعثرت شــاعر قديم ورافق الهوجاس ليله
لمه اول ماتروح وكان ماتــقدر تلمه
اعتذر لي وان رفضت العذر دور عن بديله
قبل ترحــل طالبك ميعاد لاقلـته تتمه
والجميله ردها اكثر اكثر اكثر من جميله
ذمة ماتحـسب حساب الوفا ماهيب ذمه
والبخيل من اليدين يعيش بقلوب بخيله
ليه ترحــل وانت خابر بعدك الجاير وهمه
ليه ترحل وانت خابر ساعة غيابك ثقـيله
الـغروب اللي بخدك كل ماقربت يمه
استحى لامن طلبـتك موعد وحمر فتيله
وعطرك اللي كل شارع جيت به وده يـشمه
وصوت لامني ســمعته يالبلابل غرديله
قالت اكتب عن عيونه عن تناهــيده وفمه
عن هزيله كل ماقبل لاتـثنى لك هزيله
خابره من عام الاول تل خــفاقي بدمه
تلة الهرش العماني يوم ضــيعه الدليله
ذقت من صافي عسله وذقت من ذرنوح سمه
شفت قطعان النحل عيت تهاجر من نخيله
وش تركلى يوم قفى يالسـنين المدلهم
غير طــعنات هنيا واحد يكفي قبـيله
الرزم هذي لمن فينا عـــسى ماهي رزمه
هالورق بالذات يوم اودعه كان بشــليله
ماعرفت من القصـايد غير للاهات قمه
والقتيل اللي على خبرك يبي يســعد قتيله
بس وقف قبل اجيب العيد واجيب الـمطمه
قبل انزل روس وارفع فوقـها روس ذليله
الشـعر ماهو بعمي واما انا ماني بعمه
وان تركني وعد مني لاتركه واخلي سـبيله
العرض الشجري
