السلام عليكم ورحمة الله وبركاته هذا اول مشاركة لي في المنتدى
اتمنى انها تعجبكم ..... هذي القصيدة كتبتها قبل اسبوعين
مع ملا حظة ان (( فعيل )) ترمز لاسم .... واتمنى انكم تدوني رايكم
اببدأ أول ابياتي بقولة كنت انا الغلطان
وأحاول اكتم دموعي على كفة دواويني
اببدأ لين ما أنهي رواية من حياة انسان
تمنى لو يموت اليوم ولا تذبل بساتيني
ابسأل عن هذاك الحب هل باقي مثل ماكان
على كل الوعود اللي جرت مابينها وبيني
تركتيني وهجرتيني وزدتيني بعد نسيان
واثاري دمعة التمساح على خدك تحاكيني
انا اللي من رفع قدرك وصنع منك رفيعة شان
وبعت الناس والدنيا على شانك وبعتيني
سؤالي ياسؤال صعب من اللي فبيعته كسبان
من اللي رخص دموعه وعلى حبه تجازيني
تعبت اسأل عن اخبارك تعبت اشرب من الحرمان
تعبت اتذكر الماضي تعبت اندم على سنيني
صحيح انك كويتيني بنار مالها سيان
ولكن حبك فقلبي كبير مانصغر فيني
أحبك ياسواد الليل أحبك يابقا الاحزان
أحبك يا (فعيل) الروح فهل انتي تحبيني
(فعيل) اللي امسحت دمعي ولكن كان ياماكان
ويش اللي يصنعه فيصل اذا انتي نسيتيني
ويش اللي يصنعه فيصل اذا منك ارتوى هجران
وسميتك حبيب الروح ومدري وش تسميني
ابطلب منك ياخلي تكفيني شقا وأحزان
وبطلب منك ياخلي دخيلك لاتخليني
العرض العادي
